+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

БҚО-да Ресей шекарасынан Қазақстанға өткен 8 адамнан коронавирус анықталды

2020 жылғы 16 қазан 16:39
Бөлісіңіз:
БҚО-да Ресей шекарасынан Қазақстанға өткен 8 адамнан коронавирус анықталды

ОРАЛ. ҚазАқпарат – Батыс Қазақстан облысында 6-14 қазан аралығында Ресеймен шекарадағы автоөткелдерден Қазақстанға 4942 адам өтті, деп хабарлайды ҚазАқпарат тілшісі.

Ұқсас жаңалықтар

БҚО Тауарлар мен көрсетілетін қызметтердің сапасы мен қауіпсіздігін бақылау департаментінің басшысы Мұхамғали Арыспаевтың мәлім еткеніндей, соның 1287-сі – жолаушылар. Олардың арасындағы 951 жолаушының қолында COVID-19-ға тексеруден өткені жөнінде анықтамасы болған. Анықтамасы жоқ 358 адам түгелдей екі тәулікке карантиндік стационарға жатқызылды. Соның ішінде 8 адамның коронавирус жұқтырғаны белгілі болды. Бұлардың бесеуі – «Сырым», екеуі «Тасқала», біреуі «Ақсай» бекетінен өткен.

Анықтамасы жоқ 56 шетелдік азамат кері қайтарылды.

Соңғы тәулікте шекарадан 508 адам өтсе, соның 146-сы – жолаушылар. Анықтамасы жоқ 26 адам карантиндік стационарға жатқызылды. Үшеуінен індет табылды.

Айта кетейік, Батыс Қазақстан облысы Ресейдің бес облысымен шектеседі.

Шекарада тұрған 4 автоөткелде санитарлық-карантиндік бекеттер бар. Онда эпидемиолог мамандар сауалнама жүргізіп, келгендердің қызуын өлшеп, анықтамасының бар-жоғын тексеруде.

«Көршілес Ресей елінде коронавирустың өрши түсуі алаңдатады. Тек соңғы тәулікте 14 мың адамнан індет анықталып отыр. Сондықтан шекараларда карантиндік шаралар күшейтіледі. Қазіргі кезде жаңа қаулы әзірленуде», - деді М.Арыспаев.

Еске сала кетейік, бұдан бұрын БҚО-да коронавирустан қайтқандардың 70 пайыздан астамы егде адамдар екендігін жазған болатынбыз.

Сондай-ақ індет анықталған балабақша карантинге жабылды.


Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT