+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

БҚО-да полицейлер «сары қыздың» елесі жайлы ақпаратты тексеретін болды

2020 жылғы 16 қараша 16:51
Бөлісіңіз:
БҚО-да полицейлер «сары қыздың» елесі жайлы ақпаратты тексеретін болды

ОРАЛ. ҚазАқпарат – Батыс Қазақстан облысында полицейлер «сары қыздың» елесіне байланысты ақпаратты тексеретін болады, деп хабарлайды ҚазАқпарат тілшісі.

БҚО полиция департаментінің ресми өкілі Болатбек Белгібеков мәлім еткендей, бұл жөнінде облыстық департамент бастығының міндетін атқарушы Жанболат Жаншин Қаратөбе ауданы жергілікті полиция қызметіне арнайы тапсырма берген.

Ханкөл ауылы маңында «сары қызды көрдік» деген куәгерлер анықталып, олардан жауап алынады. Сондай-ақ әлеуметтік желіде таралып кеткен бейнежазбаның шындыққа сәйкестігі сараланатын болады.

«Тұрғындардан мәселенің байыбына бармастан, күмәнді ақпараттарды таратпау сұралады. Көрінеу жалған ақпарат таратқаны үшін ҚР ҚК 274-бабына сәйкес қылмыстық жауапкершілік қарастырылғанын еске саламыз», деді ҚазАқпарат тілшісіне Б.Белгібеков.

Еске сала кетейік, бұдан бұрын БҚО әкімінің «сары қыздың» елесіне байланысты түсінік бергенін жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT