+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

БҚО-да мүмкіндігі шектеулі отбасына қайырымды жандар үй алып берді

2020 жылғы 3 маусым 04:33
Бөлісіңіз:
БҚО-да мүмкіндігі шектеулі отбасына қайырымды жандар үй алып берді

ОРАЛ. ҚазАқпарат – БҚО-ның Теректі ауданында ауыл тұрғыны Аманжан Есенов қайырымды жандардың көмегімен үйлі болды, деп хабарлайды ҚазАқпарат тілшісі.

Ұқсас жаңалықтар
Оралда кәсіпкер облыстық ауруханаға оттегі концентраторын тарту етті

Аудандық «Бірлік» қоғамдық бірлестігінің төрағасы, теолог Бағдат Адайханның сөзіне қарағанда, А.Есенов Абай ауылына өткен жылы күзде көшіп келген.

Бірлестіктің жұмысы намаз оқитын жамағаттың халін біліп, жәрдемдесу болғандықтан, Б.Адайхан А.Есеновтің де жағдайымен танысқан. Өзі – бірінші топ мүгедегі, зайыбы Гүлбақыттың денсаулығында да кінәрат болып шықты. Ерлі-зайыптылардың Абай ауылынан алған үйлері құлағалы тұрған, тіпті жөндеуге де келмейді екен.

Есеновтер отбасының осы мүшкіл халін Теректі аудандық «Теректі жаңалығы» газетінің редакторы Әділет Орынбасаров та көзімен көріп, мәселе етіп көтеріп, халықты қаржылай үлес қосуға шақырды.

«Бірлік» қоғамдық бірлестігімен бірлесе отырып, жанашыр адамдардың қолдауымен бір айға жетер-жетпес уақытта қажетті қаржы (1 млн теңге) жиналды. Қайырымдылық танытқандар арасында облыс қана емес, сонау Америкада тұратын қандастарымыз да бар. Осылайша Аманжан бауырымыз Ақжайық ауылындағы төрт бөлмелі үйге қол жеткізді», дейді Ә.Орынбасаров.

Баспана кілтін Оралдан арнайы келген БҚО орталық мешітінің наиб имамы Самат Әлібаев тапсырды. Ақжайық ауылдық округінің әкімі Болат Қадралиевтің де Есеновтер отбасына азық-түліктен көмектесіп тұратындығын айта кеткен жөн.

Еске сала кетейік, бұдан бұрын БҚО-да волонтердің ұйымдастыруымен тағы бір жалғызбасты ананың баспаналы болғанын, Оралда 284 отбасының пәтерге қол жеткізгенін жазған болатынбыз.





Біздің каналымызға жазылыңыз:

Бөлісіңіз:

Автор:

Елжан Ералы

Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Канат Токабаев
Канат Токабаев
954-059

MURAǴAT