+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

БҚО-да мектеп оқушысы машина айдап, апатқа ұшырады

2019 жылғы 21 сәуір 14:37
Бөлісіңіз:
БҚО-да мектеп оқушысы машина айдап, апатқа ұшырады

ОРАЛ. ҚазАқпарат - Жаңақала ауданында жол апаты орын алып, 17 жасар қыз бала ауруханаға түсті, деп хабарлайды ҚазАқпарат тілшісі.

Оқиға кеше кешкісін аудан орталығы Жаңақала ауылы маңында болды.

Облыстық денсаулық сақтау басқармасының баспасөз хатшысы Айнагүл Сақпосынованың айтуынша, Жаңақалаға 4 шақырым жерге сағат 19.20-да жедел жәрдем шақыртылды.

Жол-көлік оқиғасынан 2002 жылғы қыз бала зардап шеккен. Түнде Орал қаласынан нейрохирург, хирург, реаниматолог шақыртылған.

«Қызға ота жасалды, жағдайы өте ауыр», - деді ҚазАқпарат тілшісіне Айнагүл Сақпосынова.

Облыстық полиция департаментінің баспасөз қызметінен түскен мәліметке қарағанда, «Лада Ларгус» автокөлігінің жүргізушісі Чапаев-Сайқын жолының 121-шақырымында, Жаңақала ауылы тұсында рульге ие бола алмай, көлігі аударылып қалған.

Автокөлік рулінде Жаңақала ауылындағы №3 мектептің 11-сынып оқушысы болған. Көлікте одан басқа тағы 5 оқушы отырған.

Алдын ала мәлімет бойынша немересі атасынан автокөліктің кілтін сұрап алып, сыныптастарымен бірге қызғалдақ теруге барған.

Қазіргі кезде сотқа дейінгі тергеу амалдары жүргізілуде.

Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT