+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

БҚО-да коронавирус анықталған балабақша карантинге жабылды

2020 жылғы 16 қазан 16:09
Бөлісіңіз:
БҚО-да коронавирус анықталған балабақша карантинге жабылды

ОРАЛ. ҚазАқпарат – Батыс Қазақстан облысында коронавирус анықталған балабақша карантинге жабылды, деп хабарлайды ҚазАқпарат тілшісі.

БҚО тауарлар мен көрсетілетін қызметтердің сапасы мен қауіпсіздігін бақылау департаментінің басшысы Мұхамғали Арыспаевтың мәлім еткеніндей, Бөрлі ауданындағы бір балабақшада тәрбиешінің көмекшісінен коронавирус табылды.

Науқас ЖРВИ белгілерімен емханаға жүгінген. ПТР диагностикалық зерттеу қорытындысы оның індет жұқтырғанын көрсетті.

Балабақшада дезинфекциялық жұмыстар жүргізілді. Науқаспен қарым-қатынаста болған адамдар анықталып, барлығынан сынама алынды. Қазір сынамалар зерттелу үстінде.

Бөрлі ауданы бас мемлекеттік санитар дәрігерінің қаулысымен аталған балабақша карантинге жабылды.

«Соңғы төрт тәулікте 18 адамның коронавирус жұқтырғаны белгілі болса, соның 13-і Орал қаласының, үшеуі Бөрлі ауданының үлесіне тиеді. Шыңғырлау мен Қаратөбе аудандарында бір-бір адамнан ауырған. Солардың ішінде 75-80 жастағы егде адамдар да бар. Жалпы, облыста коронавирустың өсуі байқалады», деді М.Арыспаев.

Еске сала кетейік, бұдан бұрын БҚО-да коронавирустан қайтқандардың 70 пайыздан астамы егде адамдар екендігін жазған болатынбыз.




Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT