БҚО-да коронавирус анықталған 11 науқастың жетеуі – Түркістан облысының тұрғындары

ОРАЛ. ҚазАқпарат – Батыс Қазақстан облысында коронавирус анықталған соңғы 11 науқастың жетеуі – Түркістан облысының тұрғындары, деп хабарлайды ҚазАқпарат тілшісі.

БҚО әкімдігі мәлім еткеніндей, аталған тұрғындар Ресейде вахталық әдіспен жұмыс жасайды.

Самара облысымен шектесетін «Сырым» автоөткелінен өткен кезде жеті азаматтың денсаулығына шағымы болмаған. Алгоритмге сәйкес эпидемиологтар жедел жәрдем шақырып, карантиндік стационарға жатқызылды.

Сонымен қатар коронавирус жұқтырған 4 адам – медицина қызметкерлері.

Зерттеу қорытындысымен COVID-19 диагнозы расталғаннан кейін барлығы да облыстық жұқпалы аурулар ауруханасына жатқызылды.

Науқастармен қарым-қатынаста болғандар анықталып, медициналық бақылауғ алынды.

Ауру ошақтарында дезинфекциялық жұмыстар жүргізілді.

Осылайша БҚО-да ауырғандар саны 138-ге жетіп, соның 9-ы жазылып шықты.

Еске сала кетейік, бұдан бұрын БҚО-да коронавирус жұқтырған әйелдің шет елден келгенін жазған болатынбыз.