+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

БҚО-да ең ірі көлемдегі синтетикалық есірткі тәркіленді

2020 жылғы 10 шілде 20:12
Бөлісіңіз:
БҚО-да ең ірі көлемдегі синтетикалық есірткі тәркіленді

ОРАЛ. ҚазАқпарат - Батыс Қазақстан облысының полицейлері Ұлттық қауіпсіздік органдарымен бірлесіп «техниканың соңғы үлгісі» бойынша жабдықталған есірткі зертханасын жойды, деп хабарлайды ҚазАқпарат Polisia.kz сілтеме жасап.

Ұқсас жаңалықтар
Түркістан облысы Сарыағаш ауданының тұрғыннан 13,5 кг-нан астам есірткі тәркіленді 50 жастағы қостанайлық 432 келі есірткіні гаражында сақтап келген

Есірткі өндірушілер Теректі ауданында гараж және ауладағы үйді сатып алып, оны жасырын есірткі зертханасы етіп жабдықтаған. Зертхананың ерекшелігі – оның жабдықталуы мен тазалығы, ол өнеркәсіптік ауқымда синтетикалық есірткі шығаруға есептелген.

Қайта жабдықталған жасырын зертханадан полиция қызметкерлері шыны ыдысы бар екі конструкцияны, сондай-ақ мұздатқыш камераны анықтады. «Зертхана» үй-жайында жасанды желдеткіш болған. Ауланың артқы жағына әрқайсысы 1000 литрден үш бак көмілген. Үйді және зертхананы тінту барысында ұнтақ тәрізді заттар, қоспалар, химиялық заттардың концентраттары, сондай-ақ химиялық реагенттері бар канистрлер, қорғаныш костюмдері, респираторлар мен зертханалық жабдықтар табылды.

Сонымен қатар, оқиға орнында 11,4 кг мефедрон синтетикалық есірткісі және 8,1 кг пировалерон алынды. Бұл – Қазақстанда тәркіленген ең ірі синтетикалық есірткі. Белгілі болғандай, есірткіні өндірумен біздің елімізге көктемде келген Украина азаматтары айналысқан, олар бірнеше жергілікті тұрғындармен тығыз байланыс орнатып, оларды синтетикалық есірткі өндіру бойынша қылмыстық іс-әрекетке қатыстырған.

Үй сатып алу, оларды жөндеу және басқа да жұмыстар таңқурай бұталарын өсіруге жағдай жасау үшін бүркемеленген. Ол үшін ЖШС тіркелген, ұсталғандар оған кент үйі мен автокөлікті рәсімдеген. Ұсталғандар бірнеше рет сынаудан кейін 2020 жылдың маусым айының соңында синтетикалық есірткі өндіре бастағанын мойындады. Осындай зертхананы полиция қызметкерлері мамыр айының соңында Алматы облысының Талғар ауданында жойған болатын.

нда зертханалық жабдықтар мен химикаттардан бөлек, сатуға дайын алты келіден астам мефедрон тәркіленді. Жүргізілген арнайы операция нәтижесінде 413 млн теңгеден астам сомаға дайындалған синтетикалық есірткінің 120 мың дозасы есірткі тұтынушыларға жеткен жоқ.

Ұсталғандарға қатысты Қылмыстық кодекстің 297-бабының 3-бөлігі «Есірткі заттарды өткізу мақсатында заңсыз дайындау, иемденіп алу, сақтау, тасымалдау немесе адамдар тобының алдын ала сөз байласуымен өткізу» бойынша сотқа дейінгі іс жүргізу басталды. Жаза мүлкі тәркіленіп, он жылдан он бес жылға дейінгі мерзімге бас бостандығынан айыруды көздейді. Тергеу жалғасып жатыр.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT