+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

БҚО-да дәріні Ресейге заңсыз шығармақ болған кәсіпорын анықталды

2020 жылғы 11 тамыз 22:31
Бөлісіңіз:
БҚО-да дәріні Ресейге заңсыз шығармақ болған кәсіпорын анықталды

ОРАЛ. ҚазАқпарат – Батыс Қазақстан облысында 1,7 млн АҚШ доллары тұратын дәрілік заттарды шетелге рұқсатсыз әкетпек болған кәсіпорынға айыппұл салынды, деп хабарлайды ҚазАқпарат тілшісі.

БҚО экономикалық тергеу департаменті мәлім еткеніндей, шілде айында «Тасқала» автокөлік өткізу бекетінде жүк көлігінің 1,7 млн астам доллар тұратын «Физиотенз» дәрілік затын Ресейге тиісті рұқсат қағаздарынсыз алып бара жатқаны анықталған болатын.

Тексеріс барысында «Нобел Алматы фармацевтикалық фабрикасы» АҚ-ның аталмыш дәрілік затты ел аумағынан әкету тәртібін бұзғандығы белгілі болды. Сонымен қатар бұл кәсіпорын дәрілік заттар мен медициналық бұйымдарды әкетуге келісім және (немесе) қорытынды беруге қатысты мемлекеттік қызмет көрсету қағидасын да белден басқан болып шықты.

Сот шешімімен аталған кәсіпорын ҚР Әкімшілік құқықбұзушылық кодексі 463-бабы 1-бөлігіне сәйкес кінәлі деп танылып, әкімшілік құқық бұзушылық нысандарын тәркілеместен, 416,7 мың теңге көлемінде айыппұл салынды.

Еске сала кетейік, бұдан бұрын Оралда заңсыз ойын бизнесін ұйымдастырған екі тұрғын сотталғанын жазған болатынбыз.



Біздің каналымызға жазылыңыз:

Бөлісіңіз:

Автор:

Әли Ибраев

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT