БҚО-да браконьерлер 45 киікті атып өлтіріп, өлексесін далаға тастап кеткен

ОРАЛ. ҚазАқпарат - Батыс Қазақстан облысында заңсыз атып өлтірілген 45 киіктің ұшасы табылды, деп хабарлайды ҚазАқпарат тілшісі.

Ұқсас жаңалықтар

Полиция Туризм Академиясы президентінің кабинетінде түсірілген фотоны тексеріп жатыр

Алматы облысында браконьерлермен күрес күшейді: үш күнде 52 заңбұзушылық анықталды Қостанай облысында браконьерлермен күресетін 8 мобильді топ құрылды Жамбыл облысында «Қызыл кітапқа» енген қарақұйрықты атқан браконьер ұсталды

Орман шаруашылығы және жануарлар әлемі комитеті мәлім еткендей, оқиға 5 ақпан күні Жаңақала ауданында орын алған.

БҚО орман шаруашылығы және жануарлар әлемі аумақтық инспекциясының мемлекеттік инспекторлары рейд кезінде шамамен бір апта бұрын атып өлтірілген 45 киіктің ұшасын тапты. Сондай-ақ 25 киік сүйегінің қалдықтары табылды.

Оқиға орнына Жаңақала ауданы полиция бөлімінің жедел тергеу тобы шақырылды.

Осыған ұқсас оқиғалар 24 және 30 қаңтар күндері де орын алған болатын. Онда атып өлтірілген 71 киіктің өлексесі табылған еді.

Аталған браконьерлік деректері бойынша құқық қорғау органдары тергеу амалдарын жүргізуде.

Еске сала кетейік, бұдан бұрын БҚО тұрғынының киік мүйізімен ұсталғанын жазған болатынбыз.