БҚО-да боран салдарынан жабылған жолдар ашылды

АСТАНА. ҚазАқпарат - Батыс Қазақстан облысында бұрқасын салдарынан жабылған жолдар автокөліктер үшін ашылды.

«БҚО-да Алматы уақытымен сағат 10:15-те автомобиль көліктерінің қозғалысы үшін жолдарда барлық шектеулер алынып тасталды», - деп хабарлады «Қазақавтожол» РМК-нің баспасөз қызметінен.

Хабарламада атап өтілгендей, Қазақстан бойынша күре жолдарда ауа райы жағдайына байланысты көліктер қозғалысына шектеу жоқ.