+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

БҚО-да бір мезгілде 5 үйдің ауласы өртенді

2020 жылғы 30 қыркүйек 11:47
Бөлісіңіз:
БҚО-да бір мезгілде 5 үйдің ауласы өртенді

ОРАЛ. ҚазАқпарат – Батыс Қазақстан облысында бір мезгілде бес үйдің ауласы өртенді, деп хабарлайды ҚазАқпарат тілшісі.

БҚО ТЖ департаментінің баспасөз қызметі мәлім еткеніндей, оқиға Бәйтерек ауданы Достық ауылында болды.

Бүгін сағат 00.41-де ауыл тұрғынынан өрт туралы хабар түскен.

Мұнайшылар көшесі 1-мекенжайда 9 тонна пішен күлге айналды.

Тәуелсіздік көшесі 21/А-мекенжайында 120 шаршы метрді қамтыған шаруашылық құрылысы, 1 тонна жем (бидай) мен 15 тонна пішен отқа оранды.

Пионер көшесі 26-үй 1-пәтерде 60 шаршы метрді қамтыған, құжаттары жоқ шаруашылық құрылысының төбесі және 12,5 тонна пішен өртенді.

Ә.Молдағұлова көшесі 6-үйде 100 шаршы метр құжаттары жоқ шаруашылық құрылысы, 9,6 тонна пішен және 1 бас ірі қара жанып кеткен.

Құрылысшылар көшесі 2-үйде 80 шаршы метр құжаттары жоқ шаруашылық ауласы, 20 тонна сабан, 7 торай, 12 күркетауық және 15 тауық өрт құрсауында қалды.

Өрт сағат 06.41-де оқшауланып, 08.38-де сөндірілді.

Бәйтерек ауданы ТЖ бөлімінің бастығы, азаматтық қорғау майоры Қайрат Жұмағалиевтің айтуынша, «тілсіз жауды» ауыздықтауға 4 өрт бөлімшесі, 8 техника, 30 қызметкер жұмылдырылды. Оқиға орнында аудандық ТЖ бөлімі қызметкерлері мен өрт сөндірушілерден штаб құрылды.

Алдын ала жорамал бойынша өрт қасақана от қоюдан шыққан.

Қазіргі кезде нақты себебі, келтірілген шығын, кінәлі адамдар анықталу үстінде.

Еске сала кетейік, бұдан бұрын Оралда үш адамның газдан уланып, ауруханаға жеткізілгенін жазған болатынбыз.




Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT