+7 (701) 759 90 19
USD 425.59 EUR 505.43
RUB 5.61 CNY 64.83
Jańalyqtar

БҚО-да бастауыш сынып шәкірттері үшін 2500-ден астам кезекші сынып ашылмақ

2020 жылғы 30 тамыз 11:05
Бөлісіңіз:
БҚО-да бастауыш сынып шәкірттері үшін 2500-ден астам кезекші сынып ашылмақ

ОРАЛ. ҚазАқпарат – Елдегі эпидемиологиялық ахуалға байланысты БҚО білім ордаларында оқу қашықтан, сондай-ақ санитарлық жағдайы тұрақты, шәкірт саны аз ауыл мектептерінде штаттық режимде ұйымдастырылады, деп хабарлайды ҚазАқпарат тілшісі.

Ұқсас жаңалықтар
Бәйдібек ауданындағы ауыл мектебіне 2 «BILIMBook» тақтасы мен 50 компьютер табысталды Минскте әл-Фараби атындағы қазақ сыныбы ашылды Ақмолалық оқушы мен оның бауыры әлемнің үздік балаларының тізіміне енді

Облыстық білім басқармасының басшысы Айгүл Мыңбаеваның айтуынша, өңірде 146 мектеп 91 мыңнан астам оқушыға қашықтан білім бермекші.

Ал 20 мыңнан астам оқушысы бар 234 мектеп штаттық режимде жұмыс жасайды.

Айгүл Әділгерейқызының сөзіне қарағанда, қашықтан оқытатын мектептерде бастауыш сынып шәкірттерінің жас ерекшеліктеріне, өздігінен білім алу дағдысының енді-енді қалыптасатынына байланысты мектепалды даярлық және 1-4 сынып оқушылары үшін ата-аналардың өтініші бойынша кезекші сыныптар ашылады. Мұндағы бала саны 15-тен аспайды. Облыста 30688 шәкірт білім алатын 2539 кезекші сынып ашу көзделіп отыр.

Штаттық режимде жұмыс жасайтын мектептер мен кезекші сыныптарда санитарлық-эпидемиологиялық талаптар қатаң сақталады. Білім ордалары дезинфекциялық құралдармен толықтай қамтамасыз етілді.

Қашықтан оқытуды ұйымдастыру үшін мектеп мұғалімдердің негізгі сұраныстарына сай келетін ең қолайлы инфрақұрылымы мен білім мазмұны бар интернет-платформаны таңдайды. Облыстың 153 мектебі Bilimland, 1 мектеп Edupage білім платформасына қосылды, бұл платформаларда 25 тамыздан бастап сынақ сабақтары өтуде.

Оқу форматына қарамастан, республикалық «Ел арна», «Балапан» теледидарлық сабақтары қосымша білім беру ресурсы ретінде қолданылады.

Шәкірттерді оқу процесіне қажетті компьютер және интернетпен қамтамасыз ету жұмыстары жүргізілуде. Мектептердегі компьютерлер балаларға уақытша пайдалануға беріледі.

«1 қыркүйек – Білім күнінде жалпы мектепшілік жиындар болмайды. Әр сыныпта сынып сағаттары болады. Мерекелік шаралардың екі түрі қарастырылды. Біріншіден, штаттық негіздегі және кезекші сыныптың оқушылары үшін кабинеттерде сынып сағаттары өткізіледі. Екіншіден, қашықтан оқитын оқушыларға сынып сағаттары онлайн түрінде болады, оларға мектепке келудің қажеті жоқ», деді А.Мыңбаева.

Еске сала кетейік, бұдан бұрын БҚО мектептерінде видеокамералар орнатылып жатқанын жазған болатынбыз.



Біздің каналымызға жазылыңыз:

Бөлісіңіз:

Автор:

Елжан Ералы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT