БҚО-да балықшы суға кетті

None
None
ОРАЛ. ҚазАқпарат  - Батыс Қазақстан облысында балықшы суға кетті, деп хабарлайды ҚазАқпарат тілшісі.

Қайғылы оқиға Зеленов ауданы Рубежка ауылында орын алды.

Облыстық Төтенше жағдайлар департаментінің баспасөз қызметінен түскен мәліметке қарағанда, 21 қазан күні сағат 16.10-да Жайық өзенінен 1966 жылғы ер адамның мүрдесі шығарылды.

Марқұм 20 қазан күні балық аулап жүріп суға батып кеткен. Қазіргі кезде сот-медициналық сараптама тағайындалып, оқиғаның мән-жайы анықталу үстінде.

Іздестіру жұмыстарына 1 техника, 1 қайығы бар 4 құтқарушы жұмылдырылды.

Қайғылы оқиғаға байланысты облыстық Төтенше жағдайлар департаменті балық аулау кезінде сақ болу қажеттігін ескертеді.

Еске сала кетейік, өткен жылдың желтоқсан айында төрт бірдей балықшының суға кеткенін жазған болатынбыз.

Соңғы жаңалықтар