+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

БҚО-да бала кездегі досын өлтірген тұрғын 11 жылға сотталды

2020 жылғы 20 қазан 14:21
Бөлісіңіз:
БҚО-да бала кездегі досын өлтірген тұрғын 11 жылға сотталды

ОРАЛ. ҚазАқпарат – БҚО қылмыстық істер жөніндегі мамандандырылған ауданаралық сотында бүгін 36 жастағы Виталий Валитовқа қатысты үкім шықты, деп хабарлайды ҚазАқпарат тілшісі.

Аталмыш соттан түскен мәліметке қарағанда, В.Валитов ҚР ҚК 99-бабы 1-бөлігіне сәйкес айыпты деп танылып, 11 жыл мерзімге бас бостандығынан айырылды.

Сот үкімімен В.Валитовқа жазасын қауіпсіздігі барынша жоғары қылмыстық-атқару жүйесі мекемесінде өтеу белгіленді.

Іс бейнебайланыс жүйесі арқылы қаралды.

Сот талқысында мәлім болғанындай, биылғы 26 маусым күні түскі уақытта В.Валитов Бәйтерек ауданы Үлкен Шаған ауылы Бейбітшілік көшесі 14-мекенжайында орналасқан қараусыз қалған үйдің ауласында өзінің бала кезіндегі досы А.Щука және оның жездесі Е.Самарцевпен бірге арақ ішкен.

Сағат 21.00 шамасында масайған Е.Самарцев үйіне кетіп, қалған екеуі отырысты жалғастырған. Бір сағаттай уақыт өткеннен кейін екеуінің арасында кикілжің туындап, В.Валитов А.Щуканың басынан екі рет ұрған. Сосын мойын тұсынан екі мәрте пышақ cалған. Соның салдарынан А.Щука оқиға орнында қаза тапқан.

Сотта В.Валитовтың кінәсі толық дәлелденді.

Үкім заңды күшіне енген жоқ.

Еске сала кетейік, бұдан бұрын БҚО-да көлік апатына байланысты қылмыстық іс қозғалғанын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT