+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

БҚО-да әйелі мен екі қызын өлтірген тұрғын өмір бойына бас бостандығынан айырылды

2020 жылғы 30 шілде 18:17
Бөлісіңіз:
БҚО-да әйелі мен екі қызын өлтірген тұрғын өмір бойына бас бостандығынан айырылды

ОРАЛ. ҚазАқпарат – БҚО қылмыстық істер жөніндегі мамандандырылған ауданаралық сотында Серік Қапизовқа қатысты үкім шықты, деп хабарлайды ҚазАқпарат тілшісі.

Ұқсас жаңалықтар
Бостондағы жарылыс: Джохар Царнаевқа қатысты өлім жазасы күшін жойды

Аталған соттың баспасөз қызметі мәлім еткеніндей, С.Қапизовқа ҚР ҚК 99-бабы 3-бөлігі, 202-бабы 2-бөлігі 1 және 5-тармақтарына сәйкес айыптау үкімі шығарылды.

Сот талқысында белгілі болғанындай, биылғы наурыз айында жұбайы Ж-ға жеңіл дәрежеде дене жарақатын келтіргені үшін Қапизов қамауға алынған.

Осы кезде Ж. некені бұзу туралы талап-арыз берген.

Биылғы 9 сәуірде С.Қапизов әйелі тұратын үйдің есігін бұзып кіріп, бензин шашып, от қойған. Соның салдарынан Ж. мен оның екі қызы қаза тапқан. Үй иесіне 3 млн теңге залал келтірілген.

Сотталушы адамдарды, соның ішінде жас балаларды аса қатыгездікпен өлтіргені және мүлікті қасақана жойғаны үшін айыпты деп танылды. Оның кінәсі куәлардың айғақтарымен және сараптама қорытындыларымен дәлелденді.

Осылайша С.Қапизов өмір бойына бас бостандығынан айырылды. Ол жазасын қауіпсіздігі төтенше қылмыстық-атқару жүйесі мекемесінде, соның ішінде алғашқы бес жылын қауіпсіздігі толық мекемеде өтейді.

Сот үкімі күшіне енген жоқ.

Еске сала кетейік, бұдан бұрын БҚО-да тұрғын үйдегі өрт орнынан әйел мен оның екі қызының мүрдесі табылғанын, кейін оларды өлтірген тұрғынның қамауға алынғанын жазған болатынбыз.




Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT