+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

БҚО-да ауылдасын аса қатыгездікпен өлтірген тұрғын 14,5 жылға сотталды

2020 жылғы 23 мамыр 07:30
Бөлісіңіз:
БҚО-да ауылдасын аса қатыгездікпен өлтірген тұрғын 14,5 жылға сотталды

ОРАЛ. ҚазАқпарат – Батыс Қазақстан облысында ауылдасын аса қатыгездікпен өлтірген тұрғын 14,5 жылға сотталды, деп хабарлайды ҚазАқпарат тілшісі.

Ұқсас жаңалықтар
Блокпостағы жол апаты: судья экс-полицейді неге 10 жылға соттағанын түсіндірді Өзбекстанда Александр Македонский салдырған бекіністер табылды Оқушы қыздар төбелесі: Ақтөбе полициясы істі қысқартты

БҚО қылмыстық істер жөніндегі мамандандырылған ауданаралық сотынан түскен мәліметке қарағанда, іс бейнебайланыс жүйесі арқылы қаралды.

Сот үкімімен Г.Сарбасов ҚР ҚК 99-бабы 1-бөліміне (адам өлтіру) сәйкес айыпты деп танылды.

Сот үкім шығарған кезде Г.Сарбасовтың жазасын ауырлататын мән-жайларды, соның ішінде үнемі арақ ішетінін, бұрын жеті мәрте істі болып, жазасын өтесе де, түзелу жолына түспегенін ескеріп, 14 жыл 6 айға бас бостандығынан айырды.

Сонымен қатар сотталушының әрекетінде қылмыстың қауіпті қайталануы танылып, оған жазасын қауіпсіздігі төтенше қылмыстық-атқару жүйесі мекемесінде өтеу тағайындалды.

Сот үкімі күшіне енген жоқ.

Сот талқысында анықталғанындай, өткен жылы 25 қазан күні сағат 23.30 шамасында Г.Сарбасов немере інісі М.Сарбасовпен бірге Бәйтерек ауданы Рубежка ауылы Мирная көшесінде тұратын Б.Нұрғаділов пен оның азаматтық некедегі әйелі Р.Кәрімованың үйіне арақ ішу үшін келген.

Сол түні, яғни 26 қазанда сағат 00.30 шамасында асүйдегі отырыс барысында Г.Сарбасов Р.Кәрімоваға тиіскен. Оған араша түскен үй иесі Б.Нұрғаділов пен Г.Сарбасовтың арасында келіспеушілік туындаған.

Содан кейін Б.Нұрғаділов Р.Кәрімоваға жатын бөлмеге өтуін сұрап, өзі артынан ерген. Осы кезде Г.Сарбасов мас күйінде Р.Кәрімованы қызғанып, қолына орындық алып, Б.Нұрғаділовтің желкесінен ұрып, құлатқан. Сосын үстіне отырып, пышақпен мойын тұсына көптеген соққы жасаған. Б.Нұрғаділов алған жарақаттары салдарынан сол жерде жан тапсырған.

Сотта Г.Сарбасовтың кінәсі толық дәлелденді.

Еске сала кетейік, бұдан бұрын БҚО-да ағасын өлтірген тұрғынның 11 жылға сотталғанын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT