+7 (701) 759 90 19
USD 419.96 EUR 510.88
RUB 5.72 CNY 64.97
Jańalyqtar

БҚО-да 21 тонна бензин әкеле жатқан жүк көлігі аударылып қалды

2020 жылғы 26 қараша 22:22
Бөлісіңіз:
БҚО-да 21 тонна бензин әкеле жатқан жүк көлігі аударылып қалды

ОРАЛ. ҚазАқпарат – Батыс Қазақстан облысында «КамАЗ» жүк көлігі аударылып қалды, деп хабарлайды ҚазАқпарат тілшісі.

БҚО Төтенше жағдайлар департаментінің баспасөз қызметі мәлім еткеніндей, оқиға Теректі ауданы Ақсуат ауылдық округі Пойма ауылы маңындағы теміржол өткелі тұсында болды.

«КамАЗ» автокөлігінің жол оқиғасына тап болғаны жөнінде хабар түсті.

«Подстепный-Федоров-РФ шекарасы» жолының 12-шақырымында 21 тонна жанар-жағар майын (АИ-92 бензині) әкеле жатқан жүк көлігінің жүргізушісі рульге ие бола алмай, жол жиегіне түсіп кеткен.

Жол апаты салдарынан жарты сағат ішінде люк тесігінен минутына 10-15 тамшы бензин ағып кеткен. Абырой болғанда, бензиннің ағуы дер кезінде тоқтатылды.

Зардап шеккендер жоқ.

Жанар-жағар май құйып алу үшін Орал мұнай базасынан екі бензин таситын көлік шықты. Топырақ сынамасын алуға БҚО экология департаментінің мамандары да оқиға орнына барды.

Айта кетейік, өңірде соңғы күндері күн райы бұзылып кетті. Облыстың кей жерлерінде қар жауып, тұман түссе, оңтүстік аудандарда қар аралас жаңбыр салдарынан жол езілді. Соның салдарынан жол жиегінен аударылып қалған көліктерді көруге болады.


Біздің каналымызға жазылыңыз:

Бөлісіңіз:

Автор:

Елжан Ералы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT