Бизнес міндеттемелерін цифрлық бақылау ісін аяқтау үшін ҰЭМ-ға екі ай уақыт берілді

НҰР-СҰЛТАН. ҚазАқпарат – Үкімет басшысы Асқар Мамин бизнестің қарсы міндеттемелерін цифрлық бақылау жұмысын аяқтау үшін Ұлттық экономика министрлігіне екі ай уақыт берді, деп хабарлайды ҚазАқпарат тілшісі.

Ұқсас жаңалықтар

Цифрлық теледидарға қалай қосылуға болады

Елімізде көлікті қайта тіркеу қызметі жеңілдеді Биыл ақпараттық қауіпсіздікті күшейту үшін қандай міндеттер жүзеге асырылады

«Қаржы министрлігіне «Атамекен» палатасымен және мүдделі мемлекеттік органдармен бірге бір апта мерзімде отандық тауар өндірушілердің мемлекеттік және квазимемлекеттік сектордың сатып алуына қатысуына кедергі келтіретін барлық жүйелік тосқауылдарды жою жөніндегі іс-қимыл алгоритмін дайындауды тапсырамын. Сонымен бірге «Самұрық-Қазына» қорының сатып алуы отандық өндірістің дамуына серпін береді. Ауқымды жұмыс жүргізіліп жатыр. Көріп отырғанымыздай, қордың отандық өндіріс тауарларын қолдау жөніндегі нақты талаптарының және дұрыс есептілігінің арқасында жергілікті қамту үлесі жоғары деңгейге жетті – 69 пайыз. Сондай-ақ оффтейк келісімшарттар жаңа өндірістер құруға арналған неғұрлым пәрменді құралдардың бірі болып отыр. Қазіргі таңда 22 млрд теңгеге 35 оффтейк келісімшарт жасалған. Осы жұмысты кеңінен жалғастыру керек», - деді Асқар Мамин Үкімет отырысында.

Үкімет басшысы Ұлттық экономика министрлігіне екі ай ішінде бизнестің қарсы міндеттемелерін цифрлық бақылау жұмысын аяқтауды, тиісті заңнамалық түзетулер пакетін дайындауды жүктеді.

«Атамекен» палатасының цифрлық платформасының базасында бизнестің қарсы міндеттемелерін мониторингілеу жөніндегі пилоттық жобаны іске қосу туралы Премьер-Министр өкімінің жобасын енгізуді тапсырамын», - деді ол.