+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Бізде игерілмей жатқан латифундистердің меншігіндегі жерлер көп - Олжас Сыздықов

2020 жылғы 22 қыркүйек 23:19
Бөлісіңіз:
Бізде игерілмей жатқан латифундистердің меншігіндегі жерлер көп - Олжас Сыздықов

КӨКШЕТАУ. ҚазАқпарат - Қазақстанда ауыл шаруашылығы жерлерінің тапшылығы қолдан жасалып отыр. Бұл туралы Көкшетауда «Ақмола облысындағы ауыл кәсіпкерлерінің мәселесі және агроөнеркәсіп саласында отандық өнім өндірушілер мен қайта өндеушілерді қолдау шаралары қажеттігі туралы» тақырыбымен онлайн өткен дөңгелек үстелде айтылды, деп хабарлайды ҚазАқпарат тілшісі.

Қазақстанның коммунистік халық партиясының (ҚКХП) Ақмола облыстық комитеті ұйымдастырған шараға жергілікті фермерлер, шаруа қожалықтарының басшылары мен тауар өндірушілер, прокуратура, «Атамекен» кәсіпкерлер платасы және жер қатынастары басқармасының өкілдері қатысты.

«Асат» шаруа қожалығының басшысы Мұрат Молдахметовтың айтуынша, отандық аграрлы саланың әлеуетін көтеруде біраз мәселе бар.

«Соңғы екі-үш жыл ішінде біраз кемшіліктер орын алды. Бірінші кезекте агроөнеркәсіп суъектілеріне ауыл шаруашылығы жерлерін бөлуде», - дейді ол. – Жер телімдері бақылаусыз, ірі көлемде үлкен фирмаларға бөлінді. Оның көлемі 1 миллион гектардан асады. Биылдың өзінде оның жартысынан астамына тұқым себілмеген.

Шаруа қожалығының басшысы мысал ретінде Зеренді ауданындағы жағдайды айтты. 33 гектар егістік алқаптың 18 мың гектарына тұқым себіліпті. Ал қалғандары жалға берілген немесе арамшөп басып кеткен.


Осы ретте, ҚКХП Ақмола облыстық комитетінің бірінші хатшысы Олжас Сыздықов атап өткендей, ресурстардың осылай бөлінуі салдарынан нақты мал шаруашылығымен айналысып жатқан шаруалар жайылымдық жер таппай қиналған.

«Бүгінгі күні бізде игерілмей жатқан латифундистердің меншігіндегі жерлер көп. Мемлекет басшысы осы салада тәртіп орнатуға шақырып отыр. Талдау және бақылау жүйесін қатайту керек», - деді коммунист.

Сонымен бірге, жиында аграрлық салаға субсидия бөлу, қазақстандықтардың отандық тауар өндірушілер шығаратын ауыл шаруашылығы тауарларын әлеуметтік бағаға алуы үшін азық-түлік ваучерін құру туралы мәселелер айтылды.



Біздің каналымызға жазылыңыз:

Бөлісіңіз:

Автор:

Аслан Оспанов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT