Валюта бағамдары:
    usd/kzt 465.95 eur/kzt 485.43

    rub/kzt 7.72 cny/kzt 65.28
Ауа райы:
Нұр-Сұлтан: +2+4℃
  Jańalyqtar  >

Біз өз халқымызға сенуіміз керек - Омбудсмен қаңтар қатысушыларына рақымшылық туралы

2022 жылғы 1 қыркүйек, 16:40

НҰР-СҰЛТАН. ҚазАқпарат - Қазақстандағы адам құқықтары жөніндегі уәкіл Эльвира Әзімова бүгінгі Президент Жолдауына қатысты пікір білдірді, деп хабарлайды ҚазАқпарат.

«Бүгін Парламент сессиясының отырысы барысында Мемлекет Басшысы Қасым-Жомарт Тоқаев өз Жолдауында қаңтар оқиғаларына қатысқандарға қатысты ішінара рақымшылық жасау туралы шешім қабылдады. Бұл шешім құқық қорғау қоғамдастығы мен айыпталушылар, сотталғандар арасында ерекше атап өтілді», - деп жазды Эльвира Әзімова Facebook парақшасында.

Омбудсменнің айтуынша, қаңтардағы оқиғалар - біз үшін үлкен трагедия, сондықтан нағыз құқық бұзушылық жасағандардың әрекетін ешкім ақтамайды.

«Өкінішке қарай, біраз адам мұндай жағдайға алғаш рет тап болды. Олардың көбі жаппай тәртіпсіздікке көпшіліктің ықпалымен және өздерінің басындағы әлеуметтік проблемаларға байланысты қатысқаны анық. Олардың біразы кінәсін түсініп, өкініп отыр. Рақымшылық жасау туралы шешім - Президенттің өзінің конституциялық құқығын іске асыруымен қатар, адамгершілік және отандастарына деген сенімі деп білемін. Біз өз халқымызға сенуіміз керек», - дейді ол.


Новости по теме
Ұқсас жаңалықтар
Серіктестер жаңалықтары