+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Біз дипломатияға үміт артуымыз керек - Вольфганг Ишингер

2020 жылғы 14 ақпан 21:40
Бөлісіңіз:
Біз дипломатияға үміт артуымыз керек - Вольфганг Ишингер

МЮНХЕН. ҚазАқпарат – Дипломатия нәтиже беру үшін біз бір-бірімізбен диалог құруымыз керек. Бұл туралы Мюнхен қауіпсіздік конференциясының төрағасы Вольфганг Ишингер мәлім етті, деп хабарлайды ҚазАқпарат тілшісі.

Ұқсас жаңалықтар
ҚР Президенті Дүниежүзілік пошта одағының Жарғысына қатысты заңға қол қойды Қасым-Жомарт Тоқаев: Эпидемияны бәріміз бірге жеңеміз Қостанай облысының әр ауданында бақылау бекеттері қойылмақ

«Біз мұнда Трамп Әкімшілігі өкілінің келгенін ризашылықпен атап өткім келеді. Сонымен қатар, біз осы конференцияға Иранның да өкілдерін шақырамыз. Егер де дипломатия нәтиже бергенін көргіміз келсе, біз бір-бірімізбен диалог құруымыз керек. Яғни бұл тұрғыда бір-біріміз жайында сырттай талқылағанның қажеті жоқ деп ойлаймын. Атап айтқанда, Солтүстік Корея өкілдері біздің конференцияға қатысуға шешім қабылдаса, онда осы елдің ұстанымын тыңдау үшін оларды да тыңдауға дайынбыз. Сондықтан бұл ұстаным біздің мақсаттар мен міндеттердің маңызды бөлігі болуы тиіс деп санаймын», - деді В. Ишингер Мюнхен қауіпсіздік конференциясының 56-шы отырысында.

Еске сала кетейік, конференция барысында Вольфганг Ишингер әлемдік көшбасшыларды БҰҰ-ның беделін нығайтуға белсенді атсалысуға шақырды.

Бұдан бұрын хабарланғандай, Мемлекет басшысы Қасым-Жомарт Тоқаев Германиядағы Мюнхен қауіпсіздік конференциясына қатысуда.

Мюнхен қауіпсіздік конференциясының 56-шы отырысы 2020 жылдың 14-16 ақпаны аралығында өтеді. Аталған іс-шараға 40-қа жуық мемлекеттің басшылары, 100-ден астам сыртқы істер және қорғаныс министрлері, халықаралық қатынастар саласындағы беделді сарапшылар, Еурокомиссия өкілдері, сондай-ақ Еуропалық парламент депутаттары қатысуда. Айта кетейік, жыл сайын форумға әлемнің 70 елінен 400-600 адам қатысып келді. Олардың арасында мемлекет және үкімет басшылары, әскери әрі саяси көшбасшылар, министрлер кабинетінің мүшелері, парламент депутаттары, ғалымдар, саясаттанушылар, азаматтық қоғам өкілдері қамтылды.

Айта кетейік, Мемлекет басшысы Қасым-Жомарт Тоқаевтың Мюнхен қаласына (Германия) жұмыс сапарымен баратыны хабарланған еді.



Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT