+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Biz birgemiz: Таразда коронавируспен күрескендерге арналған монумент ашылды

2020 жылғы 28 қараша 14:28
Бөлісіңіз:
Biz birgemiz: Таразда коронавируспен күрескендерге арналған монумент ашылды

ТАРАЗ. ҚазАқпарат –Тұңғыш Президент күні қарсаңында Тараз қаласында «Biz birgemiz» ерекше монументі ашылды, деп хабарлайды ҚазАқпарат.

Композиция жер планетасы түрінде жасалған, оның айналасында түрлі мамандық өкілдері - дәрігерлер, полиция қызметкерлері, еріктілер, құтқарушылар, әскери адамдардың мүсіндері орнатылған.

Олар - коронавирус пандемиясымен күресте алдыңғы шептен табылғандар.

Ескерткіштің жоғарғы жағында бейбітшілік пен келісімді бейнелейтін қарлығаштармен қоршалған шаңырақ орналасқан.

«Ашаршылық, соғыс және қуғын-сүргін кезінде ата-бабаларымыз түрлі ұлт өкілдеріне құшақ ашып, қол ұшын созды. Сондағы халықтың бірлігі қиын кезеңдерді өткеруге көмектесті. Биылғы жыл бәріміз үшін ауыр болды. Бұл кезеңде де халқымыз өзінің ең жақсы қасиеттері – бірлік пен ынтымағынан тайған жоқ. Осы ескерткіште көірініс тапқан маман иелерінің күшімен біз жағдайды тұрақтандыра алдық. Бұл әсіресе өз денсаулығына төнген қауіпке қарамай күндіз-түні жұмыс істеген дәрігерлерге қатысты. Өкінішке орай, біз олардың кейбірінен айырылып қалдық. Сондай-ақ, мұқтаж жандарға көмектесіп жүрген еріктілер туралы да айрықша атап өткім келеді. Осындай жастарымыз бар кезде, біз ертеңгі күнге сеніммен қарай аламыз», - деді Бердібек Сапарбаев.

«Пандемия біздің бір-бірімізге көмектесу жолындағы берік бірлігімізді көрсетті. Біз, волонтерлар, облыс жастары осындай сын сәтте шетте қала алмадық. Кәсіпкерлердің қолдауымен мұқтаж жандарға азық-түлік, дәрі-дәрмектер жеткіздік. Біз ол үшін ешкімнен ешқандай қайырым күтпейміз, бір ғана «Рахмет» деген қарапайым сөз бізді шабыттандырады», - дейді волонтер, облыстық «Жас Отан» жастар қанатының төрағасы Уәлихан Болатбек.

Аймақ басшысының айтуынша, «Biz birgemiz» монументінің орналасқан жерінің таңдалуы тегін емес екен.

Жақында оның жанында бірнеше медициналық мекемелер бой көтереді.

Ал монументтің өзі Тараздың көрікті жерлерінің біріне және қала тұрғындарының сүйікті демалыс орнына айналады деп күтілуде.


Біздің каналымызға жазылыңыз:

Бөлісіңіз:

Автор:

Сая Сембай

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT