01:01, 02 Сәуір 2022 | GMT +6
Биылғы ораза айында берілетін пітір садақаның көлемі қанша
НҰР-СҰЛТАН. ҚазАқпарат - ҚазАқпарат оқырмандарына биылғы Рамазан айында жасалатын пітір садақаның көлемін еске салады.
Бұл жайлы таяуда елордада бас мүфти Наурызбай қажы Тағанұлының төрағалығымен өткен Қазақстан мұсылмандары діни басқармасының төралқа мәжілісінде белгілі болған-ды.
Жиын барысында биылғы пітір мөлшері 500 теңге болып белгіленді.
Пітір садақаның мөлшері еліміз бойынша 2 келі ұнның орташа бағасымен есептелді. Ал ұнның бағасы ҚМДБ-ның қала және облыс өкілдіктерінің берген мәліметі негізінде анықталды.
Айта кетейік, бұған дейін 2022 жылғы Ораза кестесі жарияланған болатын. Онда Қазақстанның бүкіл өңірлері қамтылған.