Биылғы маусым айында зейнетақы жинағы 4,8 пайызға артты – Ұлттық банк
«Салымшылардың (алушылардың) зейнетақы жинағы 2022 жылғы маусымда 613,7 млрд теңгеге немесе 4,8 пайызға ұлғайып, 13 384,5 млрд теңге болды. Зейнетақы активтерін инвестициялаудан түскен таза кіріс 2022 жылғы 1 шілдеде 7 246,6 млрд теңгеге дейін 505,4 млрд теңгеге артты», - делінген Ұлттық банк мәліметінде.
Міндетті зейнетақы жарналары бойынша салымшылардың жеке зейнетақы шоттарының саны (зейнетақы жинақтары жоқ ЖЗШ-ны ескере отырып) 1 шілдеде 10,9 млн болды. 2022 жылғы маусымда зейнетақы төлемдерінің сомасы 36,7 млрд теңгені құрады.
«2022 жылғы 1 шілдеде БЖЗҚ жиынтық инвестициялық портфелінің негізгі үлесін Қазақстан Республикасының мемлекеттік бағалы қағаздары мен Қазақстан эмитенттерінің мемлекеттік емес бағалы қағаздары (тиісінше, зейнетақы активтерінің жалпы көлемінің 42,6%-ы және 21,4%-ы) алып отыр», - деп аталып өткен ҰБ ақпаратында.