Биылғы Құрлықтық хоккей лигасы қыркүйекте басталады
2022 жылғы 23 маусым 20:33

Биылғы Құрлықтық хоккей лигасы қыркүйекте басталады

НҰР-СҰЛТАН. ҚазАқпарат - Қазақстандық «Барыс» командасының қатысуымен өтетін Құрлықтық хоккей лигасы ойындары күзде басталады, деп хабарлайды ҚазАқпарат тілшісі.

Құрлықтық хоккей лигасы (ҚХЛ) және Ресей хоккей федерациясы (ФХР) 2022-2023 жылғы кезеңді өткізу құрылымын мақұлдады. Онда қазақстандық «Барыс» командасы сынға түседі.

Құрлықтық хоккей лигасының 15-маусымы 2022 жылдың 1 қыркүйегінде жалауын көтереді. Алғашқы кездесуде Ресейдің ЦСКА (Мәскеу) және «Металлург» (Магнитогорск) командалары мұз айдынға шығады.

Құрлықтық хоккей лигасының тұрақты чемпионаты 2023 жылдың 26 ақпанына дейін созылады. Ал Гагарин кубогы 1 наурыз және 29 сәуір аралығында өтеді.

Әрбір командаға тұрақты чемпионатта 68 ойыннан белгіленген.

Еске салсақ, бұдан бұрын шайбалы хоккейден Президент кубогына қандай командалардың қатысатыны белгілі болды.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT