Биыл жекешелендірудің кешенді жоспарын 90%-ға орындау қажет - Әлихан Смайылов

АСТАНА. ҚазАқпарат – Үкімет отырысында Премьер-Министр Әлихан Смайылов жауапты органдарға жекешелендірудің кешенді жоспарын орындау бойынша тапсырма берді, деп хабарлайды ҚазАқпарат тілшісі.

«Экономикалық саясаттағы басымдықтардың бірі – мемлекеттің экономикадағы үлесін жалпы ішкі өнімнің 14,4%-на дейін біртіндеп қысқарту. Биыл 2025-ші жылға дейінгі жекешелендірудің кешенді жоспарының 90%-ға орындалуын қамтамасыз ету керек», - деп тапсырма жүктеді Әлихан Смайылов.

Сонымен қатар Үкімет отырысында Премьер-Министр биыл негізгі капиталға 18,5 трлн теңге инвестиция тарту қажет екенін атап өтті. Бұған қоса, ол министрліктер мен әкімдіктерге бизнесті қолдау және кәсіпкерлердің мәселелерін жедел шешу бойынша тапсырма жүктеді.