+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Биыл су көлігіндегі заң бұзу оқиғалары айтарлықтай азайды

2021 жылғы 14 қыркүйек 20:45
Бөлісіңіз:
Биыл су көлігіндегі заң бұзу оқиғалары айтарлықтай азайды

НҰР-СҰЛТАН. ҚазАқпарат – «Скутер» акциясы аясында жүргізілген тексерулер барысында ең көп құқық бұзу оқиғалары Шығыс Қазақстан, Алматы және Түркістан облыстарында анықталды, деп хабарлайды ҚазАқпарат.

Ұқсас жаңалықтар
Елордада жолдың қарсы бетіне шығып жарысқан жүргізушілер жазаланды Қалмақстанда автобус пен «Камаз» соқтығысып, 6 адам мерт болды БҚО тұрғыны полицияға пара бергені үшін ұсталды

«Барлығы 2 мыңнан астам шағын көлемді су көлігі (гидроциклдер, катерлер, моторлы қайықтар және т.б.) тексеріліп, 624 әкімшілік құқық бұзу жағдайы анықталды. Олардың негізгі түрлері: құтқару құралдарынсыз кемелерді пайдалану (құтқару кеудешелері, белдіктер, кеудешелер) – 326 жағдай; кеме құжаттарынсыз пайдалану – 104 жағдай; құқығы жоқ адамның шағын көлемді қайықты басқару – 83 жағдай», - делінген ҚР ИИДМ баспасөз қызметі мәліметінде.

Бұдан басқа, тексеру барысында белгіленген тәртіпке сай тіркелмеген немесе техникалық байқаудан (куәландырудан) өтпеген кемелерді пайдалану, шағын көлемді кемелер мен өзге де жүзу құралы жүргізушілерінің белгіленген жылдамдықты асыруы, навигациялық белгілер талаптарының сақталмауы, тыйым салынған орындарда кемені әдейі тоқтату немесе тоқтап тұру, маневр жасау қағидаларының бұзылуы, кеме бортынан қоқыс пен өзге де заттарды лақтыру, шағын көлемді кемелер жүргізушілерінің көлікті пайдаланудың өзге де ережелерін бұзуы сияқты жағдайлар анықталды.

Дегенмен, биыл су көлігінде тіркелген көлік оқиғалары мен өлім-жітім саны өткен кезеңмен салыстырғанда 55%-ға төмендеген.

«Скутер» республикалық акциясын ҚР ИИДМ Көлік комитеті су көлігін қауіпсіз пайдалануды қамтамасыз ету мақсатында флоттағы апаттардың алдын алу жөніндегі іс-шаралар жоспарын іске асыру аясында өткізеді.

Шомылу маусымы ашылғанға дейін комитеттің аумақтық органдары кеме иелерімен, шағын көлемді кемелер мен демалыс аймақтары база-тұрақтарының иелерімен шағын көлемді флотты қауіпсіз пайдалануды реттейтін заңнама талаптарын түсіндіру бойынша профилактикалық жұмыс жүргізді.

Алайда, профилактикалық шараларға қарамастан, биыл 3 көлік оқиғасы орын алып, нәтижесінде 3 адам қаза тауып, 1 бала зардап шекті. Ақаулары бар кемемен жүзу, сондай-ақ кеме жүргізушілерінің белгіленген жылдамдықты асыруы осындай оқиғалардың негізгі себептері болып отыр.


Біздің каналымызға жазылыңыз:

Бөлісіңіз:

Автор:

Руслан Ғаббасов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT