Биыл СҚО-да 126 көпбалалы отбасы баспана жағдайын жақсартады

НҰР-СҰЛТАН. ҚазАқпарат - СҚО-да былтыр - 2068 пәтер, биыл - 2240 пәтер салынды. Бұл туралы Орталық коммуникациялар қызметінде өткен брифингте айтылды, деп хабарлайды ҚазАқпарат тілшісі.

«Келесі жылғы меже - 2840 пәтер. Біздің 3000 пәтер салуға да мүмкіндігіміз бар», - дейді СҚО әкімі Құмар Ақсақалов.

Ол биыл СҚО-да 8300 адам баспана жағдайын жақсартатынын айтты.

«Оның 126-сы - көпбалалы отбасы. Сондай-ақ, «7-20-25» бағдарламасы бойынша 851 пәтер қолданысқа беріледі. Бүгінгі күні оның 464-і сатылды», - дейді ол.

Жалпы, осы жылдың он айында құрылыс жұмыстары - 3,9%, тұрғын үй құрылысы - 2%, тұрғын үй құрылысына салынған инвестиция - 24% өскен.