Биыл Павлодар облысында16,8 млн түп ағаш отырғызылған
«Қазіргі уақытта республиканың ормандылығы 5 пайызды құрайды. Мақсат - 2030 жылға қарай көрсеткішті 5,3 пайызға дейін жеткізу. Президенттің бастамасымен өткен жылы біз 5 жыл ішінде 2 млрд ағаш отырғызуды бастадық. 2022 жылдың жоспары толық орындалды. Биыл Павлодар облысында 3,2 мың гектар алқапқа 16,8 млн дана ағаш отырғызылды.
Сондай-ақ, көгалдандыруға аймақтағы ірі кәсіпорындар қатысуда. Олар облыс аумағында 40 мыңнан астам ағаштар мен бұталарды отырғызды. Алдағы 4 жылда Павлодардағы «Қазақстан алюминий» және «Қазақстан электролиз зауыты» акционерлік қоғамдары 100 мыңға жуық көшет отырғызуға ниетті», - деп тоқталды министр.
Серікқали Брекешевтің дерегінше, елімізде ауаға бөлінетін зиянды қалдықтардың 30 пайызы Павлодар облысына тиесілі. Ал Екібастұз қаласындағы кәріз тазарту құрылғыларының 85 пайызы тозған.