Биыл мемлекеттік білім гранттары қалай бөлінді
«Келесі оқу жылына мемлекеттік тапсырыс көлемі ҚР Үкіметінің 2022 жылғы 11 наурыздағы №120 қаулысымен 88 204 грант бекітілген. Оның ішінде: бакалавриат - 73 061 грант, магистратура - 13 253 грант және докторантура - 1890 орын. Өткен жылмен салыстырғанда өсім 16 500 грантты немесе 19 пайызды құрады. Бір студентті оқытуға жұмсалатын шығыстардың құны жылына 1 082 мың теңгені (ветеринария) және 714 мың теңгені (әлеуметтік ғылымдар, қызметтер және т.б.) құрайды», - деді министр жауабында.
Оның дерегінше, бакалавриат бойынша мемлекеттік білім гранттары былайша бөлінді: педагогикалық ғылымдар - 15 273 грант, өнер және гуманитарлық ғылымдар – 1 615 грант, әлеуметтік ғылымдар, журналистика және ақпарат – 960 грант, бизнес, басқару және құқық – 1 223 грант, жаратылыстану ғылымдары, математика және статистика – 6 988 грант, ақпараттық-коммуникациялық технологиялар – 12 587 грант, инженерлік, өңдеу және құрылыс салалары - 22 728 грант, ауыл шаруашылығы және биоресурстар – 2 195 грант, қызметтер – 2200, ветеринария – 925, шетел азаматтарын халықаралық келісімдер бойынша оқытуға – 365 грант, М. В. Ломоносов атындағы Мәскеу мемлекеттік университетінің Қазақстандық филиалында студенттерді оқытуға – 125 грант, шетелдік жоғары оқу орындарының филиалдарында студенттерді оқытуға – 200 грант, Мәскеу авиациялық институтының «Восход» филиалында студенттерді оқытуға – 45 грант, «Назарбаев Университеті» ДББҰ-да студенттерді оқытуға – 1 192 грант, жоғары оқу орындарының дайындық бөлімдерінің тыңдаушыларын оқытуға – 1 750 грант, «Назарбаев Университеті» ДББҰ дайындық бөлімінде тыңдаушыларды оқытуға – 600 грант, резервке – 100, шетел азаматтарын, оның ішінде ұлты қазақ адамдарды оқытуға стипендиялық бағдарлама, Қазақстан Республикасының азаматтары болып табылмайтын тұлғалар үшін – 490 грант, сенімді басқарудағы Жоғары және жоғары оқу орнынан кейінгі білім беру ұйымдарында студенттерді оқытуға («Манаш Қозыбаев атындағы Солтүстік Қазақстан университеті» КЕАҚ) – 1 500 грант.