Биыл Маңғыстауда 7 мыңнан астам оқушы мектеп бітіреді
Спикердің айтуынша, түлектер 27 мамыр – 10 маусым аралығында 5 пәннен (алгебра, қазақ тілі, орыс тілі, Қазақстан тарихы, таңдау пәні) өз мектебінде қорытынды аттестациядан өтеді.
Жоғары оқу орындарына түсу үшін түлектер ҰБТ тапсырады.
- ҰБТ жылына 4 рет өткізіледі (қаңтар, наурыз, мамыр-маусым, тамыз). Мамыр-маусым айынан бөлек қалғаны ақылы түрде өтеді. Мемлекеттік білім грантына конкурсқа қатысу үшін тегін тестілеу мамыр-маусым айында өткізіледі. Тестке өтініш қабылдау 28 сәуірде басталды, 14 мамырда аяқталады деп жоспарланған. Өтініш ұлттық тестілеу орталығының сайтында қабылданып жатыр,-деді Клара Құлатаева.
ҰБТ 16 мамырда басталып, 5 шілдеде аяқталады. Форматы және пәндер саны бойынша ешқандай өзгеріс жоқ (3 міндетті: математика, оқу сауаты, Қазақстан тарихы; 2 бейінді пән).
Талапкерлер биыл мемлекеттік грантқа ілігу үшін екі рет ҰБТ тапсыруға мүмкіндік алды.
Абитуриент осы екі тест нәтижесінің бірін алып, конкурсқа қатыса алады. Алайда, таңдау пәндерін ауыстыруға болмайды.
Сондай-ақ, биылдан бастап ерекше білім беру қажеттілігі бар балаларға тестілеуге қосымша 40 минут уақыт беріледі.
Онымен қоса, бұл түлектер үшін суретсіз, диаграммасыз, схемасыз тест сұрақтары әзірленген.