+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Биыл Қызылорда облысында есірткі бизнесіне қатысты 169 қылмыс анықталды

2021 жылғы 20 қазан 02:28
Бөлісіңіз:
Биыл Қызылорда облысында есірткі бизнесіне қатысты 169 қылмыс анықталды

ҚЫЗЫЛОРДА. ҚазАқпарат - Қызылорда облысында жыл басынан бері полицейлер заңсыз айналымнан 143 келі есірткі затын тәркіледі, деп хабарлайды ҚазАқпарат тілшісі.

Ұқсас жаңалықтар
Алматыда үздік полицейлер марапатталды Жұмыс берушісінің малын сатып келген Алматы облысының тұрғыны қамауға алынды Атырауда Трамадол сатып жүрген әйел ұсталды

Қызылордалық полицейлер биылғы жылдың 9 айында 169 есірткі қылмысын анықталы. Оның ішінде есірткіні аса ірі мөлшерде сақтаудың – 12, есірткі сатудың – 21, есірткі өсірудің – 43, есірткі жарнамалаудың – 2 дерегі анықталды. Ал есірткімен байланысты қылмыстық теріс қылықтардың 90 дерегі белгілі болды. Заңсыз айналымнан барлығы 143 келіден астам есірткі заты тәркіленді. Оның ішінде синтетикалық есірткі құралы да бар.

«Сондай-ақ есірткіні насихаттау және жарнамалаудың – 2 фактісі, әлеуметтік желі арқылы синтетикалық есірткі таратудың 2 оқиғасы анықталды. Биылғы жылдың 4 қазан - 30 қарашасы аралығында өткізіліп жатқан жедел-профилактикалық іс-шара барысында синтетикалық есірткі сақтаудың 3 дерегі анықталды», - деді облыстық Полиция департаменті Есірткі қылмысына қарсы іс-қимыл басқармасының бастығы Еркін Тұңғышбай.

Ведомство мәліметінше, өңірде 1 маусым - 30 қазан аралығында «Қарасора-2021» арнайы жедел-профилактикалық іс-шарасы да өткізілуде. Рейд барысында есірткі өсірудің 43 дерегі анықталған. Оның 16-ы далалық аймақтан анықталса, 27-і үй ауласы, саяжайдан табылды. Барлығы 52 тұлға ұсталып, оның 30-ы қамаққа алынды. Оқиға орнында 14 мың 360 түп сора өсімдігі жойылды.

Еске салсақ, бұдан бұрын Қызылордада есірткі қылмысына қатысты халықаралық іздеудегі күдікті ұсталды.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT