+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Биыл Құрық порты жүктерді жөнелтуден 1,6 млрд теңге табыс тапты

2019 жылғы 15 желтоқсан 09:28
Бөлісіңіз:
Биыл Құрық порты жүктерді жөнелтуден 1,6 млрд теңге табыс тапты

АҚТАУ. ҚазАқпарат – Биыл Құрық теңіз порты іске қосылғанына - 3 жыл. Солу ақыттан бері 1394 кеме жүріп өткен. Ал, жүктерді ауыстырып тиеу 4,3 млн тоннаны құрап отыр, деп хабарлайды ҚазАқпарат тілшісі.

Қазір теңіз портында 2 теміржол, 1 автомобиль жолы паромдық кешені жұмыс істеп тұр. Құрық портының паром кешені заманауи инфрақұрылымдық қондырғылармен жабдықталған. Жалпы жобалық қуаттылығы – 6 млн тонна. 2019 жылдың он бір айындағы көрсеткіш бойынша, 1,2 миллион тоннадан астам әртүрлі жүк жөнелтілген, 1,6 млрд теңге табыс түскен. Жүктердің 760 мың тоннасы импортталып, 485 мың тоннасы экспортқа жөнелтілген.

Заманауи инфрақұрылымдармен жабдықталған Тәуелсіз Қазақстанның алғашқы портының келешекке жаңа жоспары көп. Жуырда ғана «Каспий халықаралық транзиттік маршруты» қауымдастығына мүше болған қазақстандық порт өз әлеуетін арттыру үшін көрші мемлекеттермен келіссөздер жүргізіп жатыр.

«Қазіргі уақытта қазақстандық астық, көмір, мұнай өнімдері, тыңайтқыштар, химиялық заттар Құрық портының паром кешені арқылы экспортталады. Порт арқылы түрлі жабдықтар, электроника, тоқыма, химиялық өнімдер, металл бұйымдары және тағы басқалар өтеді. Тұтастай алғанда, порттың теміржол және автомобиль инфрақұрылымы Құрық порты арқылы Әзербайжан мен Грузияға, Түркиямен Шығыс Еуропаға жіберуге мүмкіндік береді. Жалпы, мұнда паром кешені іске қосылғалы кіріс 4 миллиардтан астам теңгені құрады»,- деді порттың бас директоры Серік Жетпісбайұлы.

Азия мен Еуропаны теңіз арқылы жалғайтын су жолының бойында тұрған паромда 200-ге жуық адам жұмыспен қамтылған. Барлық қызметкерлер үшін қолайлы жағдайлар жасалған. Жайлы жатақхана, күніне 3 рет тамақтанатын асхана және баскетбол алаңдары қарастырылған.

Фото: kazakh-tv.kz

Біздің каналымызға жазылыңыз:

Бөлісіңіз:

Автор:

Ләйлім Әлім

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT