Биыл елордада 11 сквер салынады

None
None
НҰР-СҰЛТАН. ҚазАқпарат – Биыл Нұр-Сұлтан қаласы бойынша 11 свкердің құрылысы жүргізіледі, деп хабарлайды ҚазАқпарат тілшісі.

Қалалық қоршаған ортаны қорғау және табиғат пайдалануды реттеу басқармасының басшысы Әлия Қожабаева облыстық мәслихат жанындағы тұрақты бюджеттік комиссияның отырысында осындай мәлімет берді.

«Сарыарқа ауданындағы сквер салу жобасының құрылыс-монтаж жұмыстарын жалғастыруға - 229 млн теңге, Есіл ауданындағы сквердің құрылыс монтаж жұмыстарын аяқтауға - 201 млн теңге, «Интернациональный» тұрғын үй массивіндегі сквердің құрылыс-монтаж жұмыстарын аяқтауға - 72 млн теңге, Пушкин көшесіндегі сквер құрылысына - 27 млн теңге, «Теміржол» тұрғын үй массивіндегі сквер құрылысына - 174 млн теңге, Сарыарқа ауданының №187 көше аумағындағы свкер құрылысына - 6,1 млн теңге, Айманов көшесіндегі сквер құрылысына - 18,3 млн теңге, Асфендияров, Кенжин, Үлімжіұлы, Дайрабай, Мөңкеұлы көшелерінің шаршысындағы свкер құрылысына 58,5 млн теңге қажет», - деді ол мәслихат отырысында.

Оның айтуынша, Есіл ауданы «Тельман» тұрғын үй массивінің аумағындағы саябақ құрылысына 705 млн теңге қажет.

«Абай даңғылындағы свкер құрлысына - 343 млн теңге, Тәшенов-Хусейн көшелерінің қиылысындағы свкер құрылысына - 99,3 млн теңге, Бөгенбей батыр-Жамбыл көшелерінің қиылысындағы сквер құрылысына - 237 млн теңге, Ильинка тұрғын үй массивінде Қашаубай-Жанқожа батыр көшелерінің қиылысындағы сквер құрылысының жобалық-сметалық құжаттамасын дайындауға - 7 млн теңге, Еңбекшілер көшесіндегі сквер құрылысының жобалық-сметалық құжаттамасын дайындауға - 15,5 млн теңге, Мәңгілік ел даңғылындағы сквер құрылысының жобалық-сметалық құжаттамасын дайындауға - 11 млн теңге, Бөкейхан-Орынбор көшелерінің қиылысындағы сквер құрылысының жобалық-сметалық құжаттамасын дайындауға 9,2 млн теңге керек», - деді әкімдік өкілі.

Бұған дейін жазғанымыздай, Нұр-Сұлтан қаласының мәдениет басқармасы астана театрларына балалардың тегін кіруі үшін 63 млн теңге сұрап отыр.


Соңғы жаңалықтар