Биыл ауыл шаруашылығы өнімінің көлемінде өсім қандай болады

None
None
НҰР-СҰЛТАН. ҚазАқпарат – Оңтүстік облыстарда ылғалдың күздік дәнді дақылдардың өнімділігіне теріс әсер етті. Бұл туралы Үкімет отырысында Ауыл шаруашылығы министрінің міндетін атқарушы Ербол Қарашөкеев айтты, деп хабарлайды ҚазАқпарат.

«Биылдың қаңтар-шілде айларында жалпы ауыл шаруашылығы өнімінің көлемі 2,4%-ға ұлғайып, 1 трлн 997,3 млрд теңгені құрады. Бұл өсім негізінен мал шаруашылығындағы өндіріс көлемінің 3,4%-ға ұлғаюы есебінен қамтамасыз етілді. Бұл ретте өсімдік шаруашылығы өнімдері 296,6 млрд теңгеге өндірілді, бұл нақты мәнде өткен жылдың тиісті кезеңі деңгейінен 3,1%-ға аз. Белгілі болғандай, биыл бірқатар өңірлерде жауын-шашынның болмауы, жоғары атмосфералық температурамен қатар жүрді, сондай-ақ оңтүстік облыстарда су аздығы процесі сақталуда. Бұл мән-жайлар күздік дәнді дақылдардың өнімділігіне теріс әсер етті», - деді Е. Қарашөкеев.

Оның айтуынша, облыстар әкімдіктерінің жедел деректері аясында биылғы 1 тамыздағы жағдай бойынша дәнді дақылдардың орташа өнімділігі гектарына 12,3 центнерді құрады, бұл өткен жылдың осы кезеңіндегі түсімділіктен 35%-ға аз.

«Облыстар бөлінісінде жалпы ауыл шаруашылығы өнімдерінің республикалық деңгейден жоғары өсу қарқыны 6 облыста: Ақмола (111,8%), Жамбыл (104,2%), Павлодар (103,9%), Шығыс Қазақстан және Қарағанды (103%), Қостанай (102,7%) облыстарында байқалды», - деді ол.


Соңғы жаңалықтар