+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Биыл астанада 30 жәрмеңке өтіп, онда 7 мың тонна өнім ұсынылды - әкім

2019 жылғы 19 қазан 13:13
Бөлісіңіз:
Биыл астанада 30 жәрмеңке өтіп, онда 7 мың тонна өнім ұсынылды - әкім

НҰР-СҰЛТАН. ҚазАқпарат – Биыл бас қалада еліміздің 14 облысы 30 азық-түлік жәрмеңкесін ұйымдастырды, деп хабарлайды ҚазАқпарат тілшісі.

Ұқсас жаңалықтар
Елордада қысқы ауылшаруашылық жәрмеңкелері өтеді Мақтааралда бос жұмыс орындарының жәрмеңкесі өтті Сапарбаев Көкшетауда өткен азық-түлік жәрмеңкесін аралап көрді

«Елордадағы ауыл шаруашылығы жәрмеңкесіне еліміздің барлық өңірлері белсене қатысты. Бұл үшін елорда тұрғындары атынан алғыс айтамыз. Осы күнге дейін барлығы 30 жәрмеңке ұйымдастырылды. Онда 7 мың тоннадан астам өнім астаналықтарға ұсынылды. Оның ішінде 700 тоннадан астам ет, 300 тонна сүт және сүт өнімдері, 200 тонна көкөніс жеткізілді. Және баға да нарықтан 10-15, кейде 20 пайызға дейін төмен болды. Бүгін екі облыс биылғы жәрмеңке кезеңін аяқтап отыр. Біз бұл практиканы одан әрі жалғастырамыз. Ендігі уақытта ірі мереке күндері ауыл шаруашылығы өнімдері жәрмеңкесі ұйымдастырылады. Атап айтқанда, 1 желтоқсан, 16 желтоқсан және жаңа жылда өткіземіз. Мақсат – елорда халқын жиі тұтынатын азық-түлік өнімдерімен қамтамасыз ету», - деді Нұр-Сұлтан қаласының әкімі Алтай Көлгінов.

Қала басшысының айтуынша, елордада маңызды азық-түліктің баға тұрақтылығын сақтап тұруда аталған жәрмеңкелер маңызды рөл атқарады.

«Сондай-ақ, бізде тұрақтандыру қоры арқылы осы қазан айында 6 мың тонна ұн сатып алынды. Ол өз кезегінде елордада нан бағасының өспеуіне септігін тигізеді», - деді ол.

Айта кетсек, елордадағы «Хан-Шатыр» ойын-сауық алаңында Ақмола және Солтүстік Қазақстан облыстарының ауыл шаруашылық өнім жәрмеңкелері өтіп жатыр.

Біздің каналымызға жазылыңыз:

Бөлісіңіз:

Автор:

Әли Ибраев

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT