+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Биыл Алматыда нан бағасы көтерілмейді

2019 жылғы 21 қараша 14:14
Бөлісіңіз:
Биыл Алматыда нан бағасы көтерілмейді

АЛМАТЫ. ҚазАқпарат - Алматыда әлеуметтік нан бағасы 2020 жылдың 1 ақпанына дейін көтерілмейді. Бұл туралы «Алматы» әлеуметтік-кәсіпкерлік корпорациясының» АҚ басқарма төрағасы Асқар Білісбеков айтты, деп хабарлайды ҚазАқпарат тілшісі.

Ұқсас жаңалықтар
Ақтөбеде нан өндірушілер бағаны өзара келісіммен көтерген болуы мүмкін Оралда нан қымбаттады Түркістан облысында әлеуметтік нанның орташа бағасы 71,5 теңге

Асқар Білісбековтің айтуынша, келесі жылдың ақпан айына дейін нан бағасын өсірмеу үшін бірқатар компаниялармен меморандумға қол қойылды.

«Тараптар 3000 тонна ұнды белгіленген бағамен - 115 теңге жеткізетін болды. Қазір қаладағы дүкендерге ұнның бағасы 125 – 130 теңге аралығында. Әлеуметтік нан 2020 жылдың 1 ақпанына дейін 75-80 теңгеден аспайтын болады. Осы бағаны ұстап тұру үшін біз қазір ұн өндіретін «Aizet Farms» ЖШС келіссөздер жүргізудеміз. Яғни, біз бұл келісімді ұзартуды жоспаралап отырмыз», - деді ол баспасөз мәслихатында.

Сондай-ақ, ол кейбір жерлерде нанды жоғары бағада сатылып жатқанына қатысты пікір білдірді.

«Мен бүкіл қаладағы нан сататын дүкендерді жауып тастай алмаймын. Мысалы, «Ақсай нан» зауытының қалада 200-ге жуық сауда нүктесі бар. Сол дүкендерден «Magnum» желісінің бағасымен нан сатып алуға мүмкіндік бар, онда әлеуметтік нан 69 теңгеден сатылуда», - деп қосты ол.

Сонымен қатар, ол Алматыдағы әлеуметтік нан бағасы республикадағы ең төмен баға екенін атап өтті. Қазіргі уақытта әлеуметтік маңызы бар тауарларға бағаны ұстап тұру жұмыстары үнемі және үздіксіз жүргізілуде.

Біздің каналымызға жазылыңыз:

Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT