+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Биыл Алматы облысында 69 шенеунік жемқорлық жасағаны үшін сотталған

2021 жылғы 15 қыркүйек 12:18
Бөлісіңіз:
Биыл Алматы облысында 69 шенеунік жемқорлық жасағаны үшін сотталған

ТАЛДЫҚОРҒАН. ҚазАқпарат - Жыл басынан бері Алматы облысында 69 мемлекеттік қызметкер сотталды, деп хабарлайды ҚазАқпарат тілшісі.

8 айда 90-ға жуық қылмыстық құқықбұзушылық тіркелсе, 68 қылмыста сыбайластық жемқорлық фактісі анықталған.

Алайда сотталғандардың басым бөлігіне айыппұл төлеу үкімі шыққан. 65 адам жазадан құтылу үшін мемлекетке 117 млрд теңге төлеуі тиіс.

Екі мемлекеттік қызметшінің бас бостандығы шектеліп, үш лауазымды тұлға қамалған.

«Жыл басынан бері 69 адам сотталды, оның ішінде 64 адамға 116,9 млрд теңгеден астам айыппұл салынды. 2 адамның бас бостандығы шектелді, 3 адам бас бостандығынан айырылып, мүлкі тәркіленді және мемлекеттік қызметте лауазым атқару құқығынан өмір бойына айрылды» делінген Алматы облыстық сыбайлас жемқорлыққа қарсы қызмет департаментінің баспасөз қызметі таратқан ақпаратта.

Департаменттің мәліметінше, пара алу деректері әлі де білім, ауылшаруашылығы және жер қатынастары саласында жиі кездесіп отыр.

Сондай-ақ пандемия кезінде қызметін асыра пайдаланушылардың да саны артып келеді.

«Іле ауданы мемкірістер басқармасының басшысы 400 мың теңге пара алды. ҚР ҚК 366-бабының 2-бөлігіне сәйкес сот үкімімен оған 12 млн теңге айыппұл салынды», - деді Алматы облыстық сыбайлас жемқорлыққа қарсы қызмет департаменті басшысының бірінші орынбасары Жандос Жұмабаев.


Біздің каналымызға жазылыңыз:

Бөлісіңіз:

Автор:

Самал Қабышева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT