+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Биыл Алакөлге пойызбен 180 мыңнан астам жолаушы барды

2021 жылғы 26 қыркүйек 21:48
Бөлісіңіз:
Биыл Алакөлге пойызбен 180 мыңнан астам жолаушы барды

НҰР-СҰЛТАН. ҚазАқпарат – Жаз айларында пойызбен Алакөлге 180 мыңнан астам жолаушы тасымалданды. Бұл туралы «Қазақстан темір жолы» компаниясынан мәлім етті, деп хабарлайды ҚазАқпарат тілшісі.

Ұқсас жаңалықтар
Жапондық туристер Байқоңырдан ғарышқа ұшады

«ҚТЖ» ҰК» АҚ-да Алакөл курорттық аймағы бағытында жолаушылар тасымалы жазғы маусымының қорытындысы шығарылып, келесі жылға сапаны жақсарту іс-шаралары қаралды. «ҚТЖ» ҰК» АҚ Басқарма төрағасының бірінші орынбасары Қанат Әлмағамбетовтың төрағалығымен өткен кеңеске ҚР ИИДМ, Алматы және Шығыс Қазақстан облыстары әкімдіктерінің, «Атамекен» ҰКП және жеке тасымалдаушылар мен туристік компаниялар өкілдері қатысты», - деп атап өтеді ұлттық компаниядан.

Таратылған ақпаратқа қарағанда, биыл танымал бағыт саналатын Алакөлге дейін 11 пойыз жүрді (8-і – «Жолаушылар тасымалы» АҚ, 3-еуі – жеке тасымалдаушылар). Теміржол көлігін 182 мың жолаушы пайдаланды. Бұл 2020 жылмен салыстырғанда 42 мың адамға көп. Көліктік қызмет көрсету сапасын арттыру үшін Жалаңашкөл, Көктұма және Ақши станцияларындағы жолаушылар платформалары ұзартылды.

Қанат Әлмағамбетов компанияда 2022 жылдың жаз мезгілінде Алакөлге дейін жолаушыларды тасымалдауды қамтамасыз ету жөніндегі іс-шаралар жоспары әзірленгенін хабарлады. Келесі жылы осы бағытта жүретін пойыздар саны сақталады. Барлық вагондар ауа баптау жүйесімен жабдықталады.

«Сондай-ақ, кеңесте электронды билеттерді сату және қайтару жүйесінің ерекшеліктері қаралды. Туристік бизнес өкілдері демалысты алдын-ала жоспарлаған саяхатшылардың қажеттіліктерін қанағаттандыру үшін жол жүру билеттерін ертерек брондау мерзімдерін қайта қарауды сұрады. Қанат Әлмағамбетов «Жолаушылар тасымалы» АҚ-на туроператорлар үшін темір жол билеттерін ерте брондау тәртібін реттейтін ережелерді әзірлеуді тапсырды», -делінген ҚТЖ ақпаратында.


Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Үмбет Шолпан
Үмбет Шолпан
954-059
REDAKTOR
Айдар Оспаналиев
Айдар Оспаналиев
954-059

MURAǴAT