+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

Биыл Ақтөбе облысында 12 бала өзіне қол жұмсаған

2020 жылғы 4 желтоқсан 00:10
Бөлісіңіз:
Биыл Ақтөбе облысында 12 бала өзіне қол жұмсаған

АҚТӨБЕ. ҚазАқпарат – Биыл кәмелет жасына толмаған 12 бала өзіне қол салған. Төртеуі көз жұмды. Полиция зерделеу жұмысын қорытындылады, деп хабарлайды ҚазАқпарат тілшісі.

Ұқсас жаңалықтар

Облыстық полиция департаменті жергілікті полиция қызметі басқармасы кәмелетке толмағандар арасында тіркелген өз-өзіне қол жұмсау фактісіне талдау жүргізді.

Биыл облыста 10 айда 12 жағдай тіркеліп, 4 жасөспірім көз жұмды.

«Ақтөбе қаласында 9 жағдай тіркеліп, 2 бала мерт болды. Сонымен бірге Хромтау ауданында 2, Алғада бір оқиға белгілі болды. Облыс бойынша өз-өзіне қол жұмсағандардың көбі мектеп оқушысы екені анықталды. 12 деректің жетеуі мектеп баласы болып шықты. Біреуі 10 жаста. Балалар асылады, дәрі-дәрмек және сірке суын ішіп қояды. Биік ғимараттан құлап, мойны мен қолына пышақ жарақатын салатындары да бар», - деп хабарлады облыстық полиция департаменті жергілікті полиция қызметі басқармасының баспасөз қызметі.

Талдау кезінде отбасындағы, туған-туыс арасындағы дау-жанжалға балалардың төзбейтіні белгілі болды. Жауапсыз махаббат, әкесінен айырылған баланың жан қайғысы да - негізгі себептің бірі.

«Екі жасөспірім көз жұмып, өлімнің нақты себебі анықталмады. Зерделей келе суицидтің 60% жуығы отбасындағы дау-дамайдан соң тіркелетіні белгілі болды. Бір ерекшелігі - тұрғылықты жері мен оқу орындары берген мінездеме жақсы. Толық, ауқатты отбасында тәрбиеленген, ішкі істер органдарында тіркелмеген. Сондықтан баламен тығыз қарым-қатынас орнатып, барлық мәселені ақылмен шешуге болатынын ұғындырыңыз» деп жазылған жергілікті полиция қызметі басқармасының хабарламасында.


Біздің каналымызға жазылыңыз:

Бөлісіңіз:

Автор:

Алтынай Сағындықова

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT