+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Биыл Ақтауда 15 мектепке жөндеу жұмыстары жүргізілді

2020 жылғы 7 тамыз 01:12
Бөлісіңіз:
Биыл Ақтауда 15 мектепке жөндеу жұмыстары жүргізілді

АҚТАУ. ҚазАқпарат - Ақтауда «Жұмыспен қамтудың жол картасы-2020» мемлекеттік бағдарламасы аясында бірқатар білім беру нысанына жөндеу жұмыстары жүргізілді, деп хабарлайды ҚазАқпарат тілшісі.

Ұқсас жаңалықтар
Кентауда «Еңбек» бағдарламасы аясында 4 мыңға жуық адам жұмыспен қамтылды Jas Otan Ақмола облысында 25 мың жастың жұмысқа орналасуына көмектеспек Маңғыстаулық жастар «Ананың ақ сүті» қойылымын тікелей эфирде сахналады

Атап айтсақ, № 1, 2, 8, 9, 10, 12, 14, 16, 17, 20, 21, 22, 27 орта мектептері мен №19 «Толағай», №29 балабақша, №56«Жұлдыз», №59 С.Шапағатов атындағы балабақшаларға ағымдағы жөндеу жұмыстары жүргізілді. Бұл мақсатта бюджеттен 172 164,0 мың теңге бөлінген.

Сонымен қатар, 29 шағынауданда орналасқан №28 жалпы білім беретін орта мектепке (жалпы құны– 654 138,0 мың теңге, мердігер мекеме - «Оңдасын строй» ЖШС) және 15 шағынауданда орналасқан IT мектеп-лицейіне (жалпы құны- 497 300,0 мың теңге, мердігер мекеме - «Нұрлы Жол Құрылыс» ЖШС) күрделі жөндеу жұмыстары жүргізілуде. Қазіргі таңда екі білім ордасында да жұмыстардың 87%-ы аяқталды.

«Қазіргі таңда бағдарлама аясында қаламыздың жұмыссыздық есебінде тұрған 329 азаматы жұмыспен қамтылды. Олардың еңбекақысы 85 мың теңгеден жоғары болды. Мердігер мекемелер тасымалмен және түскі аспен қамтамасыз етті. Жалпы, балабақшалардан төртеуінің де жөндеу жұмыстары толықтай бітті. Ал, мектептерден (15) тек 6 мектептің жөндеу жұмыстары әлі жүргізілуде. Толықтай тамыз айының аяғында пайдалануға беріледі деп жоспарланып отыр»,-деді Ақтау қалалық білім бөлімінің басшысы Светлана Тулебаева.

Бағдарлама аясында жөндеуден өткен Ақтаудағы №29 балабақшада Абайдың, Әбіш Кекілбаевтың өмірінен сыр шертетін суреттер жинақталған бұрыш жасақталған. Бөбекжай директоры Набат Сырымбаеваның айтуынша, 280 орынға шақталған нысанда қабырғалар толығымен сырланған.

«Ағымдағы жөндеу жұмыстары аясында дәліздердегі қабырғалар сырланып, еден төсеніштері ауыстырылып, есіктер жаңарды. Жұмыссыздықта тіркелген 3 азамат қызмет етіп, жұмысын аяқтады»-,деді Набат Сырымбаева.



Біздің каналымызға жазылыңыз:

Бөлісіңіз:

Автор:

Ләйлім Әлім

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT