12:23, 05 Ақпан 2013 | GMT +6
Биыл 45 МВт қуаттылығы бар Ерейментау жел паркінің бірінші кезеңі бойынша құрылыстар басталмақ
АСТАНА. 5 ақпан. ҚазАқпарат - «Самұрық-Энерго» АҚ биыл 45 МВт қуаттылығы бар Ерейментау жел паркінің бірінші кезеңі бойынша құрылысты бастауды жоспарлап отыр.
Бұл туралы бүгін Үкімет отырысында ҚР Премьер-Министрінің орынбасары-Индустрия және жаңа технологиялар министрі Әсет Исекешев мәлім етті.
Оның айтуынша, Ерейментау жел паркі тұрғысында жобалау құжатнамасы келісілген. Ал Алматы облысында Көксу өзенінде 42 МВт қуаттағы шағын ГЭС-тердің, сондай-ақ Шелек дәлізінде 51 МВт қуаттағы жел энергетикасының паркінің құрылыстарын бастау жоспарланып отыр. Бұдан бөлек, ШҚО аумағында қазақстандық-испандық Spain Consulting кәсіпорны Ұлан ауданында (24 МВт) жел стансасының құрылысына кіріспек.
«Жыл соңына дейін Қордай ауданында жел паркінің бірінші кезеңі, Қарақыстақ өзеніндегі және Тасөткел су қоймасында шағын ГЭС-тер пайдалануға берілмек»,-деді министр.