Биыл 220 ауылға су сүзетін кешен қойылады
Орталық коммуникациялар қызметінде өткен брифингіде ҚР Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті төрағасының орынбасары Бейбіт Шаханов аталмыш кешендердің қалай жұмыс істейтінін түсіндірді.
Маманның айтуы бойынша, кешенді блок модульдер жерасты суын да, өзен-көлдің суын да ішіуге жарамды етіп тазарта алады.
«Бүгінге дейін 403 ауылда кешенді блок модуль орнатылған. Тағы 1 129 аулдар орнату жоспарланып отыр. Оның ішінде биыл 223 ауылға биыл орнатылады. Ол модульдердің бағасы судың сапасы мен қаншалықты тереңде жатқанына байланысты 5-30 млн теңге аралығында.
Кешенді блок модуль деп отырғанымыз – кәдімгі су тазартқыш. Яғни, ұңғымадан тартылған суды сүзіп, тұрғындардың тұтынуына жарамды етіп тазартады. Қай ауылға қандай бағадағы модуль қойылатыны сондағы су көзінің сапасына байланысты. Жерасты суы болса, оны тартып, сүзіп береді. Жер бетіндегі су болса, көл немесе өзен болса да, тазалап береді» - деді комитет басшысының орынбасары.