Биыл 10 су қоймасы қалпына келтіріледі – Мағзұм Мырзағалиев

None
None
НҰР-СҰЛТАН. ҚазАқпарат – Биыл елімізде 10 су қоймасы қалпына келтіріледі. Бұл туралы бүгін Үкімет отырысында ҚР Экология, геология және табиғи ресурстар министрі Мағзұм Мырзағалиев айтты, деп хабарлайды ҚазАқпарат тілшісі.

«Бүгінгі күні 41 апатты су қоймасын қалпына келтіру бойынша жұмыс жалғасуда. Оның 11-і қалпына келтірілді. Соның нәтижесінде 14 мыңнан астам тұрғыны бар 15 елді мекенде су басу қаупі жойылды. Биыл тағы 10 су қоймасын қалпына келтіру жоспарлануда. Қалған 20 су қоймасына қатысты жұмыстар алдағы 3 жылдың ішінде аяқталады. Бүгінде осы нысандар су жинағыш ретінде емес, су өткізгіш ретінде қолданылып отырғандықтан, су тасқыны кезінде қауіп төндірмейтіндігін атап өткім келеді», - деді ол.

Жалпы, оның дерегінше, алдын ала болжам бойынша, биыл өзендердің сулылығы қалыпты деңгейде не одан төмен деп күтілуде.

«Республикалық меншік нысандарындағы су шаруашылығының жағдайы министрліктің тұрақты бақылауында. Бұл ретте, коммуналдық меншіктегі гидротехникалық құрылыстардың жай-күйіне облыс әкімдерінің назарын аудару қажет деп санаймыз», - деді Мағзұм Мырзағалиев.


Соңғы жаңалықтар