+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

Биыл 1,2 млн қазақстандық тұрғылықты жеріне онлайн тіркелген

2020 жылғы 22 қыркүйек 11:48
Бөлісіңіз:
Биыл 1,2 млн қазақстандық тұрғылықты жеріне онлайн тіркелген

НҰР-СҰЛТАН. ҚазАқпарат - Жыл басынан бері 1,2 миллионнан астам қазақстандық тұрғылықты жері бойынша электронды үкімет порталы арқылы тіркеуге тұрды. Бұл ретте 699 мың қызмет алушы ХҚО-ға барып тіркелуді жөн көрген, деп хабарлайды ҚазАқпарат.

Ұқсас жаңалықтар
Биыл мемлекеттік қызметтердің 90 пайызы электронды түрде көрсетілуі тиіс

Осылайша, 2020 жылы egov.kz порталындағы «Қазақстан Республикасы азаматтарын тұрғылықты жер бойынша тіркеу» қызметіне сұраныс екі есеге жуық өскені байқалады.

Өткен жылдың сәйкес мерзімі ішінде көрсеткіш түбегейлі басқа болған. ХҚО арқылы 2,1 миллионнан астам қызмет алынса, 726 мың тіркеу электрондық үкімет порталында жүзеге асқан.

«Азаматтарға арналған үкімет» мемлекеттік корпорациясының басқарма төрайымы Әсемгүл Балташеваның айтуынша, электронды қызметтерге деген сұраныстың күрт өсуі COVID-19 пандемиясы мен төтенше жағдай кезінде халыққа қызмет көрсету орталықтарының жабылуына байланысты. «Пандемия электронды қызметтердің дамуына үлкен серпін берді. Егер бұрын үлкені де, кішісі де қарапайым анықтамалар үшін халыққа қызмет көрсету орталығына баруды жөн көретін болса, карантин жағдайында денсаулықтарына алаңдаған азаматтар мемлекеттік қызметтерді өз бетінше онлайн түрде ала бастады. Күн сайын мыңдаған адам қызмет алуға келетін мемлекеттік қызметтердің бірыңғай провайдері ретінде бұл бізді өте қуантып отыр. Азаматтарға бұдан да күрделі қызметтерді ұсыну мүмкіндігі жасалуда», – деді Балташева.

Egov.kz электронды үкімет порталында тұрғылықты жері бойынша тіркелу үшін өтініш берушінің және жылжымайтын мүлік иесінің электрондық цифрлық қолтаңбасы болуы керек. Тіркелуші азамат өтініш жасап, мүлік иесі оны растауы қажет. Тұрғындарды тіркеу қызметін «Азаматтық, миграция және иммиграция» – «Халықты тіркеу және тіркеу есебінен шығару» бөлімінен табуға болады.

Еске салайық, 2019 жылдың маусым айынан бастап азаматтарды тұрғылықты жері бойынша тіркеу қызметін «Азаматтарға арналған үкімет» мемлекеттік корпорациясының қызметкерлері жүзеге асыра бастады.

Бұл халыққа қызмет көрсету орталықтарының жұмыс кестесіне сәйкес тіркеу қызметтерін ұсынуға мүмкіндік берді, яғни таңғы 9.00-ден кешкі 20.00-ге дейін түскі үзіліссіз, сондай-ақ көші-қон полициясының деректер базасына тіркеу мүмкіндігі бар қызметкерлердің санын көбейтіп, осы қызмет түріне кезекті азайтты.


Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT