Бішкекте сауда орталығының тұрағында тұрған көліктен граната табылды

БІШКЕК. КАБАР – ҚазАқпарат - «Азия Молл» сауда орталығы бомба қойылғаны туралы хабарға байланысты қоршауға алынды. Бұл туралы Кабар ҰҚК агенттігіне Ленин аудандық ішкі істер басқармасынан хабарлаған, деп хабарлайды ҚазАқпарат.

Бүгін шамамен сағат 13:56-да Asia Mall сауда ойын-сауық орталығының ғимаратына бомба қойылғаны туралы анонимді хабар келіп түсті.

Дереу жедел-тергеу тобы мен Ленин аудандық ІІБ мен Бішкек қалалық ІІБ басшылығы қоңырау шалған жерге аттанды.

«Қауіпсіздікті қамтамасыз ету және азаматтарды эвакуациялау мақсатында ғимарат аумағын полиция қызметкерлері қоршауға алды, Ұлттық қауіпсіздік мемлекеттік комитетінің қызметкерлері де келді. Қазіргі уақытта тиісті іздеу-тексеру шаралары жүргізілуде, толық ақпарат кейінірек хабарланады», - деп хабарлады ІІД.

ТАСС Қырғызстан Республикасының Ішкі істер министрлігіне сілтеме жасап, саперлар Бішкектегі сауда орталығының аумағын тексеру кезінде автотұрақтағы көлік астынан граната тапқанын хабарлады.

Фото: kabar.kg