16:54, 04 Тамыз 2018 | GMT +6
Бішкек-Ош жолындағы апат 4 адамның өмірін қиды, жүргізуші рульде ұйықтап кеткен
БІШКЕК. ҚазАқпарат - Бішкек-Ош тас жолында Mercedes-Benz пен Honda Accord автокөліктері соқтығысып, 4 адам қаза тапты. Жол-көлік оқиғасы 4 тамызда шамамен таңғы 6:30-да болған, деп хабарлайды Кабар агенттігі.
ІІМ-нің алдын ала жасалған мәліметі бойынша, Mercedes жүргізушісі қалғып кетіп, көлік жолдың қарама-қарсы бетіне шыққан.
Қайғылы оқиға салдарынан Mercedes автокөлігінің 4 жолаушысы ауыр жарақаттар алып, сол жерде қаза тапқан.
Оқиға орнына келген көлік инспекциясының қызметкерлері Honda Accord-тың зардап шеккен екі жолаушысына көмек көрсетті. Олар жақын маңдағы медициналық жәрдем аупктіне жеткізілді.
Апат болған орында Джалал-Абад облысының ІІБ-ның жедел-тергеу тобы мен милиция қызметкерлері жұмыс жасауда.