Біржан Нұрымбетов: жұмыс орындарын құрудың өңірлік карталарын жасау керек

НҰР-СҰЛТАН. ҚазАқпарат – Халықты жұмыспен қамту мәселесін тиімді түрде шешу үшін алдағы уақытта жыл сайын экономикада 600 мыңға жуық жұмыс орнын құру қажет. Мұндай маңызды қажеттілік туралы Еңбек және халықты әлеуметтік қорғау министрі Біржан Нұрымбетов айтып берді, деп хабарлайды ҚазАқпарат тілшісі.

Ұқсас жаңалықтар

СҚО-да былтыр 543 адам кәсіпорындардағы оқу орталықтарында қайта даярлықтан өтті

Жұмыспен қамтудың жол картасы: Қарағанды облысында биыл 19 ірі жоба іске асырылады Электрондық еңбек биржасында біліктілікке қарайтын 165 мың бос жұмыс орны тұр Алматыдағы инвестициялық жобалар: 5 мың жұмыс орны ашылмақ

«Жұмыспен қамту мәселелері тек Жұмыспен қамтудың жол картасы немесе «Еңбек» бағдарламасы ғана емес, сонымен қатар жалпы экономикада жаңа жұмыс орындарының ашылуына байланысты екенін атап өту маңызды. 2017 жылдан бастап экономикада 1 миллионнан астам тұрақты жұмыс орыны құрылған. Оның ішінде басқа мемлекеттік бағдарламалар өз үлесін қосуда. Осы жылы мемлекеттік бағдарламалар шеңберінде 264 мың жұмыс орыны құрылды. Негізгі үлесті «Нұрлы жол», «Нұрлы жер», «Цифрлық Қазақстан» бағдарламасы қосып отыр», - деді Біржан Нұрымбетов Үкімет отырысында.

Министр халықты жұмыспен қамту мәселесін тиімді түрде шешу үшін алдағы уақытта жыл сайын экономикада 600 мыңға жуық жұмыс орнын құру қажеттігін атап өтті.

«Ол үшін өңірлерді дамыту бағдарламаларының құрамдас бөлігі ретінде мемлекеттік бағдарламалардың барлық жобалары мен ірі, жеке инвестициялық жобаларды ескере келе жұмыс орындарын құрудың өңірлік карталарын жасау қажеттілігі туындайды. Бұл өз кезегінде барлық мемлекеттік бағдарламадағы жұмыс орындарының көрсеткіштерін жаңғырту және олардың әкімшілерінің жауапкершілігін арттыруды талап етеді», - деді ол.