+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Біржан Нұрымбетов мүгедектерді оңалту жүйесіне енетін жаңашылдықтарды атады

2019 жылғы 4 қараша 14:51
Бөлісіңіз:
Біржан Нұрымбетов мүгедектерді оңалту жүйесіне енетін жаңашылдықтарды атады

НҰР-СҰЛТАН. ҚазАқпарат – Еңбек және халықты әлеуметтік қорғау министрі Біржан Нұрымбетов мүгедектерді оңалту қызметі бойынша отандық жүйенің бір кемшілігін атап, бұл бағытта нақты қандай өзгеріс енгелі жатқанын айтып берді, деп хабарлайды ҚазАқпарат тілшісі.

Ұқсас жаңалықтар
Елордада инватакси көлігінің саны артты Мүгедектерді жұмысқа қабылдаған кәсіпкерлердің шығыны субсидияланады Мүгедек арбасы арманға жетуге кедергі бола алмайды - Ерлан Әділбеков

«Nur Otan» партиясының республикалық қоғамдық қабылдауында Еңбек және халықты әлеуметтік қорғау министрі мүгедектерді оңалту жүйесіне енетін жаңашылдықтар туралы сөз қозғады.

«Бізде мүгедектерді оңалту қызметімен қамтамасыз ету жүйесі мынадай: мүгедек адамда таңдау мүмкіндігі жоқ, оған күштеп таңу үрдісі қалыптасып қалған. Мысалы, мүгедектер арбасы болсын, басқа да оңалту құралдары таңдау құқығынсыз беріледі. Мемлекеттік сатып алу жүргізілгеннен кейін тасымалдаушы соны жеңіп алады да, мінекей, осыны алыңыз деп бере салады. Сол үшін жұмыстың барлық бағытын жүйелі түрде өзгертіп жатырмыз. Яғни, алдағы уақытта елімізде қызмет порталы іске қосылады. Мемлекеттік сатып алудан оның бәрін алып тастап, тасымалдаушының көп болғанын, мүгедектерде таңдау мүмкіндігі болатындай жүйе жасап жатырмыз. Яғни, мүгедек жандар таңдау құқығына ие болуы керек», - деді Біржан Нұрымбетов.

Министрдің сөзіне сенсек, бұл жүйе 2020 жылы күшіне енеді.

«Жалпы, біз бұл бағытта жұмысты күшейтуді жоспарлап отырмыз», - деді ол.

Айта кетсек, Еңбек және халықты әлеуметтік қорғау министрімен бүгінгі кездесу барысында «Мирас» қорының президенті Жүзбай Серікұлы Зағиптар үйінің жобасын таныстырған болатын.

Өз кезегінде Біржан Нұрымбетов мұндай жобаны бастап отырған белсенді азаматқа алғысын білдіріп, жобаны қолдайтынын жеткізді.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Алтынбек Кумарзак
Алтынбек Кумарзак
954-059

MURAǴAT