+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Біржан Нұрымбетов ең төменгі жалақы мөлшері қашан көтерілетінін айтты

2020 жылғы 25 маусым 13:56
Бөлісіңіз:
Біржан Нұрымбетов ең төменгі жалақы мөлшері қашан көтерілетінін айтты

НҰР-СҰЛТАН. ҚазАқпарат - Елімізде бір адамға шаққанда халықтың табысы 59 мың теңгеден аспай отыр. Бұл туралы ҚР Еңбек және халықты әлеуметтік қорғау министрі Біржан Нұрымбетов айтты, деп хабарлайды ҚазАқпарат тілшісі.

Ұқсас жаңалықтар
40 мыңға жуық қазақстандықтың мүгедектік мерзімі автоматты түрде ұзартылды Карантинде табысын жоғалтқан 2,2 млн-нан астам адам біржолғы төлем алды - министрлік Қазақстандықтарға шілдеде азық-түлік пен өзге де қажеттіліктер үшін 5,4 млрд теңге аударылды

«Әлеуметтік төлем жайында айтып жатырмын ғой. Оның бәрі қажеттілік. Бұл көмекті мемлекет көрсету керек, мөлшері де көп жағдайда жеткілікті емес шығар. Бірақ, мұның бәрі неден туындайды? Жалпы, халықтың табысы көп емес, төмен. Мысалы, біздің сараптамаға сәйкес, бір адамға шаққанда халықтың табысы 59 мың теңгеден аспай отыр. Оның бәрі ең алдымен жалақыдан шығады. Себебі жалақы алып жүрген азаматтардың арқасында әлеуметтік төлемдер беріп жатырмыз. Кезінде Маргарет Тетчер айтқандай, «Мемлекеттік бюджет деген түсінік жоқ. Ол салық төлеушілердің ақшасы». Сондықтан жұмыс істеп жүрген азаматтарды қолдауымыз керек. Бірақ, бізде өкінішке қарай ресми статистика бойынша орташа жалақы 200 мың теңгеден аспай тұр», - деді ол Орталық коммуникациялар қызметінде онлайн режимде өткен халыққа есеп беру кездесуі барысында.

Алайда, министрдің айтуынша, жұмыс істеп жүрген азаматтардың 77 пайызы 200 мың теңгеден де төмен жалақы алады.

«Әр салада әртүрлі. Ауыл шаруашылығында 105 мың теңгеден аспай отыр. Әр облыста да әртүрлі. Мысалы, Солүстік Қазақстан, Жамбыл, Түркістан облыстарында орташа жалақы 140-145 мың теңгеден аспайды. Сондықтан не істеу керек, не істелді? Біріншіден, 1 млн 300 мыңдай қызметші жұмыс істейтін бюджеттік салада маусым айында жалақы орташа есеппен 30 пайызға көтерілді. Осы жылдың басынан дәрігерлерге, мұғалімдерге, әлеуметтік, мәдениет саласы қызметкерлеріне 25-тен 60 пайызға дейін жалақы өсті. Ал жеке секторда қалай болуы керек? Жеке секторда 5,5 млн адам жұмыс істеп жатыр. Бұл жерде жалақы мөлшері жұмыс берушінің құзырына кіреді», - деді министр.

Оның атап өтуінше, өткен жылы Президент үндеуінен кейін жеке сектордағы 1,2 млн адамның жалақысы 32-33 пайызға көбейтілген. Бірақ, бұл да бүкіл мәселені шешіп отырған жоқ.

«Жалақы мөлшерін белгілеу жұмыс берушінің құзырында дегенімізбен ең төменгі жалақы мемлекет тарапынан реттеледі. Былтырдан бері бізде ең төменгі жалақы 42 500 теңгені құрайды. Мұның өзі де аз. Сондықтан оны көтеру бүгінгі күні өте маңызды. Қазіргі дағдарыс кезінде бұл бюджет шығындарын қажет етеді, қиындау болады. Алдағы жылдары біз оны кезеңмен арттырамыз»,- деді Біржан Нұрымбетов.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT